47:58  volunt  Christi  verba:  Quia  homo  ex  utero  matris  carnalis  tantum  nascitur,  spiritu  refingendum  esse,  ut  spiritualis  esse  incipiat.  Et  spiritus  nomen  bifariam  hic  capitur:  nempe  pro  gratia  et  effectu  gratiae.  Priore  enim  loco  Christus  spiritum  Dei  unicum  purae  et  rectae  naturae  autorem  esse  docet,  postea  nos  spirituales  esse  significat,  ex  quo  sumus  eius  virtute  renovati.  7.  Ne  mireris  quod  dixi  tibi:  Oportet  vos  nasci  de  integro.  8.  Spiritus  quo  vult  spirat,  et  vocem  eius  audis:  sed  nescis  unde  veniat,  nec  quo  vadat  Sic  est  omnis  qui  genitus  est  ex  spiritu.  9.  Bespondit  Nicodemus,  et  dixit  illi:  Quomodo  possunt  haec  fieri?  10.  Bespondit  Iesus,  et  dixit  ei:  Tu  es  magister  Israelis,  et  haec  ignoras?  l  l  .  Amen,  amen  dico  tibi,  quod  novimus,  loquimur:  et  quod  vidimus,  testamur:  et  testimonium  nostrum  non  recipitis.  12.  Si  terrestria  dixi  vobis,  et  non  creditis:  quomodo,  si  dixero  vobis  coelestia,  credetis?  7.  Ne  mireris.  Varie  hunc  locum  torquent  interpretes.  Quidam  Nicodemi  et  similium  crassitiem  perstringi  putant,  ac  si  diceret  Christus,  non  esse  mirum,  si  coelesti  illud  regenerationis  mysterium  non  capiant,  quando  ne  in  ordine  quidem  naturae  eorum  quae  sub  sensus  cadunt  rationem  assequuntur.  Alii  argutum  quidem,  sed  nimis  coactum  sensum  excudunt,  Sicuti  liber  est  venti  flatus,  ita  spiritus  genitura  nos  in  libertatem  restitui,  ut  soluti  a  peccati  iugo  sponte  ad  Deum  curramus.  Alienum  etiam  prorsus  est  a  Christi  mente  quod  affert  Augustinus,  spiritum  Dei  suo  arbitrio  esse  efficacem.  Melius  Chrysostomus  et  Cyrillus,  qui  similitudinem  a  vento  sumptam  esse  dicunt,  atque  ita  accommodant  ad  praesentem  locum:  Quum  vis  eius  sentiatur,  originem  tamen  et  causam  latere.  Ego  ut  ab  eorum  sententia  non  longe  discedo,  ita  Christi  sensum  et  clarius  et  certius  exponere  conabor.  Retineo  principium  illud,  quod  similitudinem  mutuetur  Christus  ab  ordine  naturae.  Incredibile  ducebat  Nicodemus  quod  de  regeneratione  et  nova  vita  audierat,  quia  regenerationis  huius  modus  altior  erat  eius  captu.  Christus  ut  eiusmodi  scrupulum  illi  eximat,  in  vita  etiam  corporali  mirificam  Dei  virtutem  exstare  docet,  cuius  ratio  occulta  est.  Hauriunt  enim  omnes  ex  aere  vitalem  spiritum  :  ipsa  aeris  agitatio  sensu  percipitur,  unde  tamen  proveniat,  et  quo  abeat  nescimus.  Si  in  hac  caduca  et  evanida  vita  tam  potenter  agit  Deus,  ut  mirari  cogamur  eius  virtutem,  quam  absurdum  est,  in  coelesti  ac  supernaturali  vita  arcanum  eius  opus  mentis  nostrae  apprehensione  velle  metiri,  ut  non  plus  credamus  quam  apparet?  Sic  Paulus  (1.  Cor.  15,  36.  37),  quum  adversus  eos  invehitur  qui  resurrectionis  doctrinam  ideo  abiiciunt,  quod  impossibile