44:58  obstinationis,  sed  etiam  vesanum  et  praecipitem,  quasi  vellet  urgere  poenam,  quam  Dominus  volebat  differre  ad  tempus.  Sequitur  nunc:  8.  Propterea  exspectate  me,  dicit  Iehova,  usque  ad  diem  quo  surgam  ad  praedam:  quia  iudicium  meum  (hoc  est,  decretum  est  mihi),  ut  colligam  gentes,  ut  congregem  regna,  ut  effundam  super  ipsa  (regna,  vel  super  ipsas  gentes)  indignationem  meamr  totum  furorem  irae  meae:  quia  igne  zeli  (vel  indignationis  meae)  vorabitur  tota  terra.  Hic  iam  pronuntiat  Deus"  finem  ultimum  adesse,  quoniam  expertus  fuerit  se  nihil  profecisse  longa  tolerantia:  imo  cognoverit  deteriores  reddi  Iudaeos,  quia  tam  clementer  ipsos  tractaverit.  Quidam  putant  sermonem  hunc  dirigi  ad  fideles,  ut  sese  ad  crucem  ferendam  parent.  Sed  illud  est  omnino  alienum  a  contextu  prophetae:  et  tamen  sententia  illa  recepta  est  fere  omnium  consensu.  Ego  autem  non  dubito,  quin  propheta,  sicuti  nunc  attigi,  abrumpat  querimonias,  et  dicat  iam  Deum  verbis  non  acturum  cum  tam  desperato  populo.  Exspectate  me}  inquit,  hoc  est,  iamiam  ego  adero  armatus:  hactenus  studui  vos  flectere,  nisi  obduruissent  animi  vestri  ad  pravitatem  :  sed  quia  operam  perdidi  docendo,  monendo,  hortando,  imo  etiam  quum  vobis  spectacula  hinc  inde  proponerem  in  profanis  gentibus,  quae  vos  simularent  ad  poenitentiam:  quia  hoc  quoque  modo  nihil  profeci,  iam  agedum,  exspectate  me:  hoc  est,  non  est  quod  amplius  vobiscum  litigem,  et  non  est  etiam  quod  amplius  speretis  me  missurum  ad  vos  prophetas.  Exspectate  igitur  me  dum  ego  surgam.  Quomodo?  Ad  praedam,  ^yb  quidam  vertunt  quasi  esset  I^b,  in  perpetuum.  Sed  significat  propheta  Deum  sic  offensum  esse  contumacia  populi,  ut  iam  appetat  praedari,  rapere,  vorare,  obliviscatur  mansuetudinis  illius,  quae  illis  hactenus  fuerat  ludibrio:  Adero  quasi  saeva  bellua:  quemadmodum  leones  rapiunt,  lacerant,  discerpunt,  devorant:  sic  etiam  facturus  sum  vobiscum,  quia  hactenus  nimis  humaniter  et  paterne  vobis  peperci.  Videmus  ergo  haec  exempla  non  debere  referri  ad  spem  vel  tolerantiam  piorum:  sed  Deum  hic  potius  ultimum  exitium  denuntiare  reprobis:  quasi  diceret,  Ego  iubeo  vos  valere:  facessite,  et  agite  res  vestras.  Ego  enim  non  contendam  posthac:  sed  brevi  adero,  et  alius  quam  hactenus  sitis  me  experti.  Nunc  videmus  Deum  quasi  renuntiare  Iudaeis,  et  minari  se  venturum  exserto  gladio  contra  ipsos.  Quanquam  potius  se  comparat  saevae  et  truculentae  bestiae.  Postea  adiungit,  Nam  iudicium  meum  est:  hoc  est,  mihi  decretum  est  colligere  gentes  omnes.  Diximus  alibi  de  hoc  verbo  P)DK:  idem  valet  Hebraeis  quod  gallice  dicimus  Trousser.  Mihi  ergo  decretum  est  colligere: