41:58  pissimas  notas  ignominiae,  quum  subulcus  creatus  fuit  imperator,  idque  libidine  militum.  Senatus  retinebat  adhuc  tunc  nomen:  sed  si  libuerat  militibus  creare  aliquem  Caesarem,  statim  cogebatur  senatus  submittere  cervices  suas.  Sic  ergo  propheta  non  abs  re  dicit,  occisam  fuisse  bestiam  paulo  post  evangelii  promulgationem.  Cessavit  igitur  tunc  magniloquentia  parvi  cornu,  et  simul  exstincta  fuit  prorsus  quarta  bestfia.  Neque  enim  tunc  dominatus  est  quispiam  Romanus,  qui  tantum  partem  aliquam  potestatis  sibi  arrogaret:  sed  Roma  ipsa  in  foedam  servitutem  decidit,  et  contumeliose  illic  regnarunt  non  modo  exteri  homines,  sed  etiam  barbari,  subulci  etiam,  aut  bubulci.  Hoc  totum  factum  est,  ut  impleret  Deus  quod  ostenderat  prophetae  suo,  nempe  post  Christi  adventum,  et  post  libros  apertos,  id  est,  post  notitiam  quae  illuxit  per  evangelii  praedicationem,  instare  et  propinquum  esse  interitum  illius  quartae  bestiae  et  romani  Imperii.  12.  Et  reliquis  bestiis  abstulerant  potestatem  (vel,  dominationem)  et  longitudo  in  vita  data  illis  fuerat  usque  ad  tempus  et  tempus.  Non  dubium  est  quin  propheta  hic  referat  quod  ordine  debuerat  praecedere,  quia  exstincta  fuerunt  imperia  de  quibus  loquutus  est  ante  romanum.  Ergo  in  praeterito  plus  quam  perfecto  haec  verba  debent  sumi,  quod  scilicet  ablata  fuisset  potestas  tribus  reliquis  bestiis.  Solent  enim  Hebraei  quod  omissum  est  postea  repetere:  et  series  narrationis  non  semper  ab  illis  servatur.  Postquam  ergo  dixit  quartam  bestiam  fuisse  occisam,  et  consumptam  incendio,  quod  tacuerat  de  reliquis  tribus  nunc  adiungit,  nempe  fuisse  illis  dominationem  ablatam.  Sed  adiungit  quod  notatu  dignum  est,  longitudinem,  vel  diuturnitatem  in  vita  fuisse  illis  concessam  usque  ad  tempus  et  tempus.  Duae  sunt  diversae  voces,  quibus  utitur,  quae  tamen  unum  et  idem  significant,  nempe  tempus  opportunum.  Ergo  intelligit  propheta  nihil  fortuito  casu  accidere,  sed  suo  tempore  omnia  geri  in  mundo,  sicuti  Deus  in  coelo  decrevit.  Forte  etiam  quum  de  vitae  longitudine  hic  fit  sermo,  significat  non  breve  tempus  fore  afflictionum,  ita  ut  subito  transeant  quasi  nubes:  sed  instare  fidelibus  non  solum  graves,  sed  diuturnas  etiam  molestias,  quae  possent  taedio  conficere  eorum  animos,  nisi  eos  fulciret  spes  melioris  exitus  r  sicuti  hic  praedicit  spiritus  sanctus  tandem  Deum  liberaturum  suam  ecclesiam,  ubi  diu  eius  patientiam  exercuerit.  Reliquis  ergo  bestiis  ablata  fuerat  potestas.  Et  potest  ita  resolvi  copula  in  rCDNl  Quia  diuturnitas  in  vita  :  quasi  diceret,  non  fore  perpetuas  molestias,  quibus  opprimendi  erant  filii  Dei,  quia  Deus  certum  tempus  praescripsit  ac  finivit.  Diuturnitas  ergo  illis  data  fuit  in  vita,  nempe  ad  tempus  et  tempus.  Po-