39:58  firmationem  valet,  quum  Deus  significat  se  fore  redemptorem  populi,  ut  nomen  sibi  acquirat.  Subest  enim  antithesis,  quod  in  hoc  beneficio  non  respiciet  quid  meriti  sint  Iudaei,  sed  petet  a  se  ipso  causam  quemadmodum  alibi  hoc  melius  exprimitur,  Non  propter  vos  hoc  faciam,  sed  propter  me,  domus  Israel,  et  vicissim  succinunt  fideles,  Non  propter  nos  Domine,  sed  propter  nomen  tuum.  Videmus  ergo  ut  Deus  nomen  suum  in  medium  statuat,  ne  desinant  bene  sperare  Iudaei,  quamvis  sibi  male  conscii  sint  et  agnoscant  se  dignos  aeterno  exitio.  Si  legimus,  Erit  mihi  in  nomen  gaudii,  sensus  erit,  in  nomen  quo  oblectabor.  Si  legimus,  In  nomen,  et  laetitiam  seorsum,  idem  erit  sensus,  neque  absurdum  videri  debet  quod  Deus  testatur  sibi  fore  in  laetitiam.  Etsi  enim  non  afficitur  more  nostro,  tamen  haec  loquendi  forma  alibi  recepta  est,  quemadmodum  Psal.  104  (v.  31),  Laetabitur  Deus  in  operibus  suis.  Dicitur  ergo  Deus  se  oblectare  beneficentia,  quoniam  naturaliter  propensus  est  ad  bonitatem  et  misericordiam.  Postea  adiungit,  Pavebunt  et  contremiscent  super  tota  vel  omni  beneficentia.  Particula  ^D  semper  denotat  magnitudinem  et  emphatice  accipitur.  Posset  tamen  hoc  videri  durum  primo  intuitu,  contremiscent  et  pavebunt  ab  omni  beneficentia.  Neque  enim  consentaneum  est,  ut  paveant  homines,  dum  agnoscunt  Dei  bonitatem,  est  enim  potius  hilaritatis  et  fiduciae  materia.  Aliquando  hoc  refertur  ad  impios.  Impii  enim  non  possunt  gustum  percipere  gratiae  Dei,  qui  ipsos  exhilaret,  sed  potius  fremunt  ac  frendunt,  ubi  Deus  beneficus  apparet  erga  suos.  Illic  enim  cruciantur,  quum  vident  se  excludi  a  fruitione  bonorum  quae  abscondita  sunt  timentibus  Deum,  sicut  alibi  dicitur.  Sed  minime  dubium  est  quin  hic  propheta  significet  gentium  conversionem,  quum  dicit  pavebunt  et  contremiscent  a  beneficentia.  Quasi  diceret  non  fore  modo  celebre  Dei  nomen  apud  gentes,  ut  praedicent  ipsum  fuisse  misericordem  populo  suo,  sed  simul  alium  fore  effectum  huius  gratiae,  nempe  ut  gentes  se  Deo  subiiciant.  Porro  satis  usitatum  est  cultum  et  timorem  Dei  designari  his  verbis  timendi,  pavendi  et  contremiscendi.  Etsi  enim  fideles  non  exhorrent  Dei  conspectum,  sed  alacriter  quoties  ipsos  invitat  sese  offerunt,  et  firma  fiducia  ipsum  invocant,  tamen  haec  non  obstant  quin  simul  contremiscant  ubi  occurrit  eius  maiestas.  Sunt  enim  haec  duo  inter  se  coniuncta,  nempe  pavor  et  tremor  qui  nos  humiliet  coram  Deo,  et  fidacia  quae  nos  erigat,  ut  audeamus  familiariter  ad  ipsum  accedere.  Hic  ergo  notatur  gentium  conversio:  quasi  diceret  propheta  non  tantum  in  hoc  valituram  esse  famam  liberationis  ecclesiae,  ut  gentes  praedicent  Dei  bonitatem,  sed  etiam  srse  eius  imperio  subiiciant,  et  illum  revereantur  ut  verum  et  unicum  Deum.  Rursum  adiungit  nomen  pacis,  sed  eodem  sensu  quo