33:58  fait,  quand  nostre  Seigneur  Iesus  dit,  Que  les  Anges  qui  ont  la  garde  des  petits  enfans  5  voyent  et  contemplent  tousiours  la  face  du  Pere:  par  cela  il  nous  est  signifie,  combien  que  les  Anges  nous  assistent,  et  que  nous  sentions  leur  vertu  pour  nous  maintenir,  que  toutesfois  ils  iouyssent  cependant  de  la  gloire  de  Dieu,  et  qu'ils  ne  sont  point  eslongnez  de  luy.  Et  pourtant  en  ce  passage  quand  il  est  dit,  Qu'ils  sont  comparus,  ce  n'est  pas  que  quand  Dieu  les  envoye,  ils  soyent  separez  de  sa  maieste,  et  privez  de  la  vie  celeste,  du  temps  qu'ils  font  leur  voyage  :  mais  pource  que  nous  sommes  rudes  et  grossiers,  l'Escriture  nous  a  voulu  accomparer  Dieu  aux  princes  terriens  afin  que  nous  cognoissions  d'une  facon  plus  privee  et  familiere  comme  les  Anges  ne  font  rien  de  leur  mouvement  propre:  mais  que  c'est  Dieu  qui  leur  commande,  comme  il  a  tout  empire  sur  eux,  et  qu'ils  lui  viennent  rendre  conte,  que  rien  ne  lui  est  cache,  que  les  Anges  n'ont  point  une  autorite  propre,  ni  separee:  et  combien  qu'ils  soyent  appellez  Puissances,  Principautez  et  Vertus,  que  ce  n'est  pas  que  Dieu  leur  ait  resigne  son  office,  ce  n'est  point  qu'il  se  soit  despouille  de  sa  vertu,  ce  n'est  pas  qu'il  demeure  oisif  au  ciel  :  mais  c'est  d'autant  que  les  Anges  sont  instrumens  de  sa  vertu,  afin  qu'elle  soit  espandue  par  tout.  Voila  donc  ce  que  nous  avons  a  recueillir  de  ce  passage,  c'est  assavoir  que  Dieu  besongne  tellement  par  le  moyen  de  ses  Angeo  pour  gouverner  les  choses  humaines,  que  tout  vient  a  conte  devant  lui,  tellement  qu'il  n'y  a  rien  qui  luy  eschappe.  Et  au  reste  quand  il  est  dit,  Que  Satan  est  aussi  venu  parmi  les  Anges,  ce  n'est  pas  qu'il  se  soit  insinue  la,  comme  aucuns  l'ont  entendu,  pour  faire  du  bon  valet,  qu'il  se  mette  la  en  la  trouppe:  mais  au  contraire  le  S.'  Esprit  nous  a  voulu  signifier,  que  non  seulement  les  Anges  de  paradis,  qui  obeissent  a  Dieu  de  leur  bon  gre,  et  qui  sont  du  tout  enclins  et  adonnez  a  cela,  lui  rendent  conte,  mais  aussi  les  diables  d'enfer,  qui  luy  sont  ennemis  et  rebelles  tant  qu'il  leur  est  possible,  qui  taschent  de  ruiner  sa  maieste,  qui  machinent  a  brouiller  tout:  qu'il  faut  que  ceux-la  (en  despit  de  leurs  dents)  soyent  subiets  a  Dieu,  et  qu'ils  lui  rendent  conte  de  tout  ce  qu'ils  font,  et  qu'ils  ne  puissent  rien  attenter  sans  sa  permission  et  son  conge.  Voila  donc  comme  Satan  est  comparu  au  milieu  des  Anges.  Or  cependant  la  facon  toutesfois  est  bien  diverse:  car  quand  les  Anges  nous  guident,