31:58  eminet.  Sed  quia  de  genere  excellentiae  et  dignitatis  non  inter  omnes  convenit,  nobis  sufficiat  hac  voce  notari  praefectum  cantorum.  Nam  victoris  nomen  mihi  non  probatur:  quia  licet  praesenti  argumento  respondeat,  aliis  tamen  locis,  ubi  repeti  videbimus,  nullo  modo  convenit.  Neginoth  ego  a  IJ3  deduco,  quod  significat  pulsare:  ideoque  non  dubito  instrumentum  fuisse  musicum.  Unde  sequitur,  Psalmum  non  modo  alta  voce,  sed  adhibitis  quoque  musicis  instrumentis  fuisse  canendum,  quae  regebat  et  moderabatur  praefectus  ille  cuius  facta  fuit  mentio.  2.  Dum  clamo,  responde  mihi,  Deus  iustitiae  meae:  in  angustia  dilatasti  mihi,  miserere  mei,  et  audi  precationem  meam.  His  verbis  probatur  Davidis  fides,  qui  ad  extrema  redactus,  et  quidem  longa  malorum  serie  fere  consumptus,  moerori  tamen  non  suocubuit:  nec  fractus  fuit  animo  quin  ad  Deum  liberatorem  confugeret.  Nam  precando  testatus  est  David,  sibi  omnibus  praesidiis  nudato  spem  in  Deo  fuisse  residuam.  Porro,  Deum  iustitiae  suae  appellat,  acsi  diceret  iuris  sui  vindicem,  quod  passim  omnes  eum  damnarent,  et  hostium  calumniis  perversisque  vulgi  iudiciis  oppressa  esset  eius  innocentia.  Idque  diligenter  notandum  est.  Nam  quum  nihil  sit  acerbius  quam  nos  immerito  damnari,  et  una  cum  iniusta  vi  perferre  infamiam,  id  tamen  quotidie  sanctis  accidit,  ut  scilicet  bene  agendo  male  audiant  :  sicque  exerceri  expedit,  ut  aversi  ab  omnibus  mundi  illecebris,  ab  uno  Deo  toti  pendeant.  Ergo  iustitia  pro  bona  causa  capitur,  cuius  testem  Deum  constituens  David  conqueritur  homines  sibi  malevolos  esse  et  iniquos:  suoque  exemplo  nos  docet,  si  quando  non  appareat  coram  mundo  nostra  integritas,  non  decere  tamen  nos  animis  frangi,  quia  in  coelo  est  vindex  noster.  Dixerunt  profani  homines  nullum  esse  virtuti  melius  theatrum  conscientia:  atqui  haec  consolatio  longe  exsuperat,  quod  scimus  nos  in  Dei  et  angelorum  conspectu  stare,  dum  iniuste  homines  nobis  insultant.  Hac  fortitudine  praeditum  fuisse  videmus  Paulum  I.  Corint.  4,  5.  Nam  quum  apud  Corinthios  multi  de  eo  sparsi  essent  sinistri  rumores,  ad  Dei  tribunal  provocat.  Eadem  fiducia  Iesaias  50,  6  et  sequentibus,  quaecunque  in  ipsum  probra  iaciebant  hostes,  despicit.  Quare  haec  una  patientiae  nostrae  fultura  est,  si  nullus  aequitati  sit  locus  in  mundo,  in  Deum  respicere,  eiusque  iudicio  esse  contentos.  Obiic  itamen  potest  quaestio,  quum  tota  hominum  puritas  merae  sint  apud  Deum  sordes,  quomodo  suam  iustitiam  in  eius  conspectum  proferre  audeant.  Quod  ad  Davidem  spectat,  facilis  est  solutio  :  quia  non  nisi  hostium  suorum  respectu,  de  sua  iustitia  gloriatur,