30:58  exemplar  fuisse:  quod  imitari  nos  decet,  ne  malum  malo  cumulemu8  si  nos  initio  contigerit  a  recta  via  aberrasse.  Deinceps  sequitur  sacerdotem  interrogantem  os  Domini  non  accepisse  responsum  die  illo.  Verba  quidem  contextus  sunt:  Saulem  Deum  consuluisse,  sed  ita  intelligenda  ut  Saul  totius  populi  nomine  Deum  consuluisse  dicatur  per  sacerdotem,  qui  erat  interpres  et  internuncius  divinae  voluntatis,  et  organon  quo  Deus  suam  sententiam  proferebat.  Nam  ut  saepe  diximus,  tum  sacerdotes  locum  et  gradum  Domini  nostri  Iesu  Christi  obtinebant  eius  personam  figurantes  et  repraesentantes.  Quemadmodum  igitur  hodie  sumus  indigni  qui  ad  Deum  accedamus,  et  mediatore  Domino  nostro  Iesu  Christo  indigemus,  cuius  nomine  Deo  grati  simus:  id  veteribus  fuit  declaratum  in  umbris  illis  et  figuris,  ut  ad  mediatorem  olim  venturum  fidem  suam  attollerent.  Denique  veritas  quam  hodie  obtinemus  nos  docet  quare  olim  legis  tempore  sacerdos  indutus  tunica  sacerdotali  coram  Deo  se  sistebat  totius  populi  nomine  ut  a  Deo  responsum  acciperet.  Nam  hac  ratione  homines  suae  indignitatis  admonebantur:  quemadmodum  et  hodie  sumus  indigni  qui  coram  Domino  nostro  nomine  compareamus,  nos,  inquam,  tot  sordibus  et  peccatis  foedati,  ut  merito  simus  a  Dei  conspectu  repellendi  nostra  iniquitate.  Quare  necesse  est  intermedium  esse  Christum  Dominum  nostrum,  qui  gratiam  et  favorem  apud  Deum  nobis  conciliet.  Porro  Saul  animadvertens  Deum  non  dedisse  responsum,  statim  infert,  peccatum  fuisse  ab  aliquo,  ac  iuramento  affirmat  moriturum  illum  quicunque  tandem  fuerit,  etiamsi  Ionathanus  sit  filius.  Quare  sortes  coniici  iussit:  Deumque  precatus  est,  ut  integrum  cederet.  Vox  hebraea  sonat  perfectionem:  sed  accipitur  perfectio  illa  pro  declaratione  sontis  sorte  facta:  quum  nimirum  rei  quaesitae  sorte  veritas  elucescit.  Vel  perfectionem  intelligemus,  quum  Deus  cuiusque  iniquitatem  patefacit,  ne  innocens  luat  poenas  pro  nocente:  et  ne  insontes  involvantur  sontium  suppliciis.  Denique  Saul  Deum  precatur  ut  sortes  coniectas  regat:  quibus  coniectis  ipse  cum  filio  Ionathano  deprehenditur:  quamobrem  sortiri  inter  se  et  Ionathanum  filium  iussit,  ut  qui  nocens  est  deprehendatur:  ac  Ionathanus  deprehensus  est.  Nempe  ita  patefacta  est  Saulis  in  exsecratione  populum  adstringendo  temeritas,  de  qua  superius  egimus.  Itaque  Ionathanus  excipit,  an  quia  tantummodo  gustavi  extremitate  baculi  parum  mellis  ego  morerer?  Et  populus  tandem  exsecrationem  illam  temerariam  Saulis  revocavit:  Dixit  enim  populus  ad  Saulem,  an  Ionathanus  moreretur,  qui  comparavit  salutem  hanc  maximam  in  Israele?  absit:  ut  vivit  Iehova,  an  cadere  debet  ullus  e  capillis  capitis  eius:  quandoquidem  Deo  duce  operatus  est  hoc  hodie?  sic