27:58  bien  faire:  mais  ce  n'est  qu'un  cuider,  ils  ne  savent  quels  sont  leurs  dieux:  car  il  n'y  a  qu'une  phantasie  qu'ils  ont  imagine:  mais  vous  avez  le  Dieu  qui  est  createur  du  ciel  et  de  la  terre,  celui-la  s'est  revele  a  vous.  Ainsi  donc  quand  vous  ensuyvrez  ceux  qui  n'ont  point  une  telle  certitude,  que  vous  irez  desguiser  le  vray  service  de  Dieu,  quelle  excuse  y  aura-il  plus?  ne  faut-il  point  plustost  que  vous  luy  dediez  et  corps  et  ames,  et  qu'il  soit  honore  de  vous  en  toute  vostre  vie?  Nous  voyons  donc  maintenant  l'intention  de  Moyse  quant  a  ce  passage.  Or  la  dessus  apprenons,  que  iamais  nous  ne  pourrons  tellement  reigler  nostre  vie,  qu'elle  soit  aggreable  a  Dieu,  sinon  que  nous  l'ayons  cogneu  auparavant:  car  si  nous  pensons  vivre  iustement,  et  que  cependant  nous  ne  cognoissions  pas  Ie  Dieu  auquel  nous  devons  servir,  que  sera-ce?  Car  comment  est-ce  que  vostre  vie  sera  reputee  bonne  et  saincte?  Quand  elle  sera  dediee  a  l'honneur  de  Dieu  :  c'est  la  fin  finale.  Car  quand  nous  ne  saurons  quel  est  Dieu,  quelle  est  sa  volonte:  nous  aurons  beau  nous  efforcer  en  toute  nostre  vie,  il  n'y  aura  que  confusion.  C'est  comme  si  un  homme  couroit  a  travers  champs,  il  se  pourra  rompre  les  iambes,  et  se  casser  tout  le  corps,  et  il  n'advancera  rien:  mesmes  tant  plus  qu'il  courra  viste,  il  ne  fera  que  se  reculer  de  son  chemin.  Ainsi  nous  voyons  que  tout  est  confus  en  la  Papaute,  d'autant  qu'ils  sont  ignorans  et  aveugles,  et  ne  savent  a  quel  dieu  ils  doivent  servir,  ni  a  quel  sainct  ils  doivent  vouer  (comme  ils  en  ont  le  proverbe).  Que  quand  ils  auront  tracasse  ca,  et  la,  ils  ne  savent  ou  ils  en  sont,  sinon  que  les  voila  confus  en  toutes  leurs  imaginations:  mais  de  cognoistre  Dieu  tel  qu'il  s'est  declare  a  nous  par  sa  parolle,  pour  luy  porter  la  reverence  qui  luy  est  deue,  il  n'en  est  point  question  ne  nouvelle.  Or  de  nostre  coste  si  nous  voulons  savoir  que  c'est  de  bien  servir  a  Dieu,  et  de  luy  obeyr  pleinement,  il  faut  que  nous  en  venions  la,  c'est  de  le  cognoistre  tout  premierement.  Il  est  vray  que  ceste  doctrine  ne  se  peut  pas  maintenant  depescher:  et  pourtant  il  suffira  en  un  mot  de  savoir  pour  conclusion  que  c'est  un  thresor  inestimable  pour  nous,  quand  il  plaist  a  nostre  Dieu  de  se  manifester,  en  sorte  que  nous  sommes  certains  que  nostre  religion  est  bonne,  et  qu'il  l'approuve,  et  que  nous  n'y  allons  point  par  opinion,  ni  par  cuider,  comme  ces  povres  bestes  qui  se  laissent  mener  par  le  nez,  et  n'ont  nulle  reigle  pour  estre  conduits  et  guidez.  Voila  pour  un  item.  Mais  pour  le  second  apprenons  aussi,  que  selon  que  nostre  Dieu  est  grand  et  terrible,  qu'il  faut  que  nous  soyons  humiliez  sous  sa  main  forte,  et  que  nous  apprenions  de  cheminer  tellement  en  sa  crainte,  que  ce  ne  soit  point  seulement  pour  estre  effrayez  sous  sa  maieste:  mais  quand  nous  l'aurons  honore  en  crainte,  et  reverence,  que