26:58  abysmer:  mais  voici  d'autrepart  Dieu  qui  prononce  qu'il  l'a  mis  sous  nos  pieds  :  et  quoy  qu'il  nous  face  beaucoup  d'escarmouehes,  et  qu'il  nous  dresse  aussi  des  alarmes,  tant  y  a  qu'il  ne  nous  pourra  poindre  qu'au  talon,  et  qu'il  ne  dominera  point  par  dessus  nous,  que  nous  luy  marcherons  du  pied  sur  la  teste.  Voila  Dieu  qui  nous  a  asseurez  de  la  victoire.  Que  faut-il  donc?  que  nous  contemplions  Satan  desia  vaincu  avec  tous  nos  ennemis  spirituels,  et  que  nous  soyons  desia  tout  asseurez  que  nous  pourrons  faire  nos  triomphes  au  milieu  des  combats:  que  nous  pourrons  nous  glorifier  en  Dieu,  comme  si  desia  c'estoit  fait  de  nos  ennemis,  et  que  nous  en  fussions  pleinement  delivrez.  Et  pourquoy?  Car  il  faut  que  la  veue  de  nostre  foy  s'arreste  a.  ce  mot,  quand  il  est  dit:  Tay  livre  tes  ennemis  en  ta  main.  Voila  donc  comme  nous  avons  a  pratiquer  ce  passage.  Au  reste,  quand  Moyse  recite  que  le  peuple  a  fait  a  Og  roy  de  Basan  ce  qu'il  avoit  fait  a  Sehon  roy  des  Amorrheens:  c'est  pour  monstrer  que  le  peuple  n'a  pas  este  cruel,  encores  que  de  prime  face  on  le  peust  imaginer,  quand  les  petis  enfans  ont  este  mis  a  sac,  et  que  rien  n'est  demeure.  Pourquoy?  cela  se  faisoit  selon  la  parolle  de  Dieu.  Ainsi  donc  revenons  a  ce  qui  a  este  touche,  c'est  assavoir,  quand  nous  ne  passerons  point  les  bornes  que  Dieu  nous  aura  mises,  et  que  nous  ne  ferons  rien  a  nostre  teste,  mais  que  nous  obeyrons  a  sa  volonte:  combien  que  le  monde  nous  condamne,  ou  nous  accuse,  nous  serons  iustifiez  au  ciel.  Cela  nous  doit  estre  assez.  Et  pour  quoy?  Dieu  saura  bien  maintenir  son  authorite  contre  l'orgueil  de  tous  les  hommes:  combien  que  le  monde  soit  si  fol  de  plaider  contre  Dieu,  et  de  trouver  a  redire  en  ce  qu'il  aura  dit  et  fait,  laissons  tout  cela.  Car  comme  i'ay  dit,  ce  nous  doit  estre  assez  que  Dieu  nous  iustifie:  et  quand  nous  serons  absouts  de  luy,  nous  pourrons  alors  nous  mocquer  de  tous  les  fols  iugemens  de  ce  monde.  Mais  cependant  retenons  ceste  lecon,  c'est  assavoir,  que  Dieu  advoue  tout  ce  que  nous  aurons  fait.  Et  comment  l'advouera-il?  Quand  nous  n'aurons  point  suivi  nostre  raison  charnelle,  que  nous  n'aurons  point  prins  licence  pour  nous  advancer  a  faire  ceci,  ou  cela  :  mais  que  nous  aurons  attendu  que  Dieu  nous  l'ait  commande.  Quand  donc  Dieu  nous  aura  donne  le  mot,  et  que  nous  aurons  chemine  en  son  obeissance  :  alors  nous  serons  asseurez  que  tout  ira  bien,  voire  combien  que  le  monde  y  trouve  a  redire.  Mais  de  nostre  coste  aussi  nous  devons  estre  advertis  de  ne  point  nous  eslever  contre  Dieu,  comme  nous  voyons  ces  fantastiques  qui  voudront  disputer  si  une  chose  est  bonne  ou  mauvaise,  sans  s'enquerir  si  elle  est  de  Dieu  ou  non:  et  il  faudroit  que  par  cela  Dieu  quittast  sa  maieste.  Car  il  ne  peut  estre  Dieu  qu'il  ne  soit  iuste:  et  si  les  hommes  mettent