23:58  runt  interpretes:  prior  est,  quod  Satan  augendae  invidiae  causa,  fingat  omnes  arbores  fuisse  vetitas,  Etiamne  praecepit  Deus  ne  audeatis  ullam  arborem  attingere?  Alter  vero,  Ergo  non  promiscue  vobis  ex  quavis  arbore  vescendi  permissa  est  libertas.  Prior  magis  quadrat  diaboli  ingenio,  ut  maligne  rem  amplificet  :  et  videtur  suffragari  Hevae  responsio.  Nam  quum  dicit,  Omnibus  vescimur,  una  tantum  excepta,  videtur  calumniam  de  generali  prohibitione  refellere,  sed  quia  hoc  ad  fallendum  erat  aptius,  quaestionem  de  simplici  nudaque  Dei  prohibitione  movere:  magis  credibile  est  Satanam,  pro  sua  vafritie,  hinc  fecisse  tentationis  exordium:  Fierine  potest  ut  Deus  vos  ex  qualibet  arbore  fructum  colligere  noluerit?  Quod  autem  excipit  mulier,  unam  duntaxat  arborem  prohibitam,  ad  defensionem  mandati  facit:  ac  si  negaret,  durum  vel  molestum  debere  videri,  quod  tanta  arborum  copia  et  varietate  permissa,  Deus  unam  tantum  exceperit.  Ita  in  his  verbis  erit  concessio,  vetitam  quidem  esse  unam  arborem:  deinde  refutatio  calumniae,  quod  non  sit  arduum  vel  difficile  abstinere  ab  una  arbore,  ubi  innumerae  ad  manum  suppetunt,  quarum  usus  permissus  est.  Non  poterat  Heva  Satanae  insultum  magis  prudenter  vel  cordate  repellere,  quam  dum  obiicit  se  et  maritum  a  Domino  tam  liberaliter  tractatos  esse,  ut  abunde  sufficere  debeat  quae  concessa  est  facultas.  Significat  enim  se  nimis  fore  ingratos,  si  tantis  opibus  non  contenti  plus  quam  fas  est  appetant.  Quum  dicit,  vetuisse  Deum  ne  comedant  vel  attingant,  secundum  verbum  quidam  additum  putant,  quasi  Deum  insimulet  nimiae  severitatis,  quod  etiam  a  tactu  prohibuerit.  Ego  vero  potius  interpretor,  eam  adhuc  in  obedientia  perstare,  ac  exprimere  pium  affectum  in  Dei  praecepto  anxie  observando.  Tantum  in  poenae  denunciatione  labascit,  inserens  adverbium  Forte:  quum  Deus  certo  pronunciasset,  Morte  moriemini.  Etsi  enim  Hebraeis  js  non  semper  dubitationem  sonat:  quia  tamen  saepius  in  hoc  sensu  capitur,  libenter  hoc  amplector  quod  haesitare  coeperit  mulier.  Certe  mortem  prae  oculis  non  habuit,  ut  decebat,  si  Deo  immorigeram  esse  contingeret:  verum  mortis  periculum  procul  et  frigide  sentire  se  demonstrat.  4.  Dixit  serpens  ad  mulierem.  Iam  liberius  insultat  Satan:  et  quia  rimam  sibi  patere  videt,  recto  impetu  perrumpit,  neque  enim  aperto  marte  unquam  congredi  solet,  nisi  quum  nos  sponte  nudos  illi  et  inermes  exponimus.  Subtilius  primus  per  blanditias  nos  adoritur:  sed  ubi  obrepsit,  petulanter  et  superba  confidentia  contra  Deum  insurgere  audet,  sicuti  nunc  arrepta  dubitatione  Hevae,  longius  penetrat,  quo  faciat  simplicem  negativam.  Talibus  exemplis  ad  cavendas  eius  illecebras  erudiri  nos  convenit,  ut  mature  obviam  eundo  procul  eum  a  nobis  arceamus,  ne  propior  illi  acces-