21:58  qu'on  faisoit  contre  l'Evangile:  comme  luy-mesme  l'a  escrit  en  la  Preface  de  son  Commentaire  sur  les  Pseaumes.  De  Basle  Calvin  avec  sondit  compagnon  vint  en  Italie,  et  demeurerent  quelque  temps  a  Ferrare.  La  il  vit  madame  la  duchesse  de  Ferrare,  qui  est  encores  auiourd'huy  vivante,  graces  a  Dieu:  laquelle  l'ayant  veut  et  ouy,  deslors  iugea  ce  qui  en  estoit,  et  tousiours  depuis  tant  qu'il  a  vescu,  l'a  aime  et  honore  comme  un  excellent  organe  du  Seigneur.  D'italie  ils  revindrent  derechef  a  Basle.  Une  chose  n'est  a  omettre,  que  comme  il  estoit  songneux  a  bien  departir  ses  estudes,  durant  le  temps  qu'il  fut  tant  a  Basle  qu'a  Strasbourg,  il  s'adonna  entre  autres  choses  a  la  cognoissance  de  la  langue  Hebraique:  ou  il  profita  tellement,  que  ce  luy  fut  depuis  grande  aide  pour  l'intelligence  de  l'Escriture,  comme  ses  livres  en  rendent  tesmoignage.  Or  quelque  temps  apres,  de  Basle  il  s'en  alla  en  France,  et  son  dit  compagnon  s'en  vint  a  Neufchastel  et  a  Geneve.  Mais  Calvin  apres  avoir  donne  quelque  ordre  a  ses  affaires,  se  voulant  derechef  retirer  a  Basle  et  a  Strasbourg,  print  avec  soy  son  frere  Antoine,  duquel  il  a  este  parle.  Et  pource  qu'a  cause  des  guerres  le  droit  chemin  estoit  ferme,  s'en  vint  passer  a  la  bonne-  [6  2]  heure  par  ceste  ville  de  Geneve,  qui  peu  de  temps  auparavant  avoit  receu  l'Evangile  par  la  predication  de  deux  excellens  serviteurs  de  Dieu,  M.  ��Guillaume  Farel  et  Pierre  Viret.  Il  ne  pretendoit  rien  moins  que  d'y  faire  sa  demeure,  mais  seulement  d'y  passer,  sans  se  donner  autrement  a  cognoistre.  Toutesfois  celuy  que  nous  avons  dit  qui  luy  avoit  tenu  compagnie  a  Basle  et  en  Italie,  fit  qu'il  fut  cognu  :  car  il  s'estoit  lors  retire  a  Geneve,  comme  aussi  y  estoit  demeurant  monsieur  Morlet,  qui  depuis  a  este  ambassadeur  du  Roy  vers  les  ligues,  et  est  mort  plusieurs  ans  apres  a  Basle,  ayant  tousiours  souvenance  de  sa  demeure  ancienne  en  la  ville  de  Geneve,  tellement  que  iamais  il  ne  passoit  par  Lausanne  et  Geneve,  qu'il  ne  voulust  voir  Calvin  et  Viret,  et  deviser  1)  avec  eux.  Le  Seigneur  donc,  voulant  deslors  se  preparer  chemin  a  tant  de  bien  qu'il  vouloit  departir  a  son  Eglise  par  le  moyen  de  Calvin,  mit  au  coeur  de  Farel  de  le  retenir,  ce  qui  luy  fut  tresdifficile:  tellement  qu'apres  les  prieres  il  en  falut  venir  iusqu'aux  adiurations,  que  s'il  refusoit  de  s'employer  en  ceste  Eglise  en  l'oeuvre  du  Seigneur,  Dieu  maudist  le  repos  qu'il  cherchoit  pour  la  commodite  de  ses  estudes.  Adonc  il  accorda  de  demeurer,  non  pas  pour  prescher  mais  pour  lire  en  Theologie.  Et  advint  tout  ceci  l'an  1536  au  commencement  de  Septembre:  mais  un1  peu  apres  il  fut  aussi  esleu  Pasteur.  Estant  ainsi  declare  Pasteur  et  1)  discourir  F.