19:58  Numero  erant  octies  mille.  Quum  id  papistae  cognovissent,  illos  dum  redirent  ad  urbem  moenibus  excluserunt,  sed  frustra,  quoniam  urbem  vi  sunt  ingressi:  quumque  adversariis  nostros  invadentibus  pugna  utrinque  inita  fuerit,  ex  utraque  parte  multi  sunt  vulnerati  et  aliquot  occisi.  Nec  secus  fit  per  alias  regni  partes.  Quare,  ut  existimatur,  necessitas  Reginam,  proceres  et  consiliarios  adiget  ut  nostris  facultatem  publice  conveniendi  et  aliqua  templa  largiantur.  Hodie  in  magno  metu  sumus,  quia  in  variis  Galliae  regionibus  fideles  occuparunt  templa  non  exspectata  regia  facultate.  6)  Id  autem  Reginae  et  proceribus  gravissime  displicuit.  Cardinales  et  episcopi  restitui  petunt.  7)  Dum  haec  scribo  iam  sunt  in  consilio  principes  ut  de  hac  re  decernant.  Sed  quia  in  consiliariorum  numero  sunt  etiam  aliqui  cardinales  et  episcopi,  nostri  libellum  supplicem  Reginae  obtulerant  precantes  ne  contra  ius  et  fas  concedatur  suffragium  in  hac  deliberatione  iis  qui  sunt  nobis  ex  professo  iurati  hostes.  Quantum  vero  simus  impetraturi  me  latet.  Si  edicto  iubeantur  populi  templa  restituere,  seditiones  et  caedes  timendae  sunt.  .  .  .  .  .  .  .  .  .  De  confessione  Augustana  quaeso  ne  angaris,  quia  ecclesiastici  eam  non  recipient.  Nostrae  item  ecclesiae  eam  non  admittent,  quod  suam  gallicam  sequi  decreverint.  Omnes  nostri  colloquutores  eam  nolunt.  Calvinus  quoque  dehortatur  maxime  ne  id  fiat.  Nullum  ergo  video  inde  periculum  imminere.  Heri  mutavimus  hospitium.8)  Cardinalis  enim  Castilioneus  reversus  est  in  aulam  (dissolutus  enim  est  praelatorum  conventus)  et  repetiit  domum  suam  in  qua  versabatur.  Quare  sumus  iussu  Reginae  ablegati  ad  hospitium  Ducissae  Ferrariensis,9)  quod  norit,  quemadmodum  testata  est,  illi  principi  non  6)  Languet  9.  Oct  Epp.  II.  144:  Ubique  fere  templa  ab  evangelicis  occupantur,  ut  Aureliae,  Alesiae,  Turonibus,  Andegavi,  Pictavii,  Eupellae,  Meldae,  Lugduni,  in  Montepessulo  et  in  tota  Vasconia  .  .  .  Carcassonii  etiam  suum  episcopum  expulerunt.  7)  Id.  26.  Oct.  p.  151;  Edixerunt  sub  poena  capitis  ut  occupata  a  nostris  templa  restituerentur  .  .  .  .  Istius  edicti  causam  esse  dicunt,  videl.  episcopos  ea  conditione  pecuniam  promisisse  si  omnia  sua  sibi  salva  manerent,  et  templa  restituerentur,  hocque  regem  promisisse  se  curaturum.  Quantum  ad  me  attinet  ego  puto  utramque  causam  concurrere,  vid.  contractum  factum  o.  episcopis  et  metum  regis  Hispanici.  Idem  9.  Oct.  p.  147.  Episcopi  promiserunt  regi  sedecim  milliones  francorum  solvendos  in  decennio,  singulis  annis  decies  et  sexies  centena  millia.  Misere  cupiunt  discedere  Possiaco  sed  non  possunt  impetrare  dimissionem.  Cf.  Bruslart  I  I  p.  53.  Soldan.  I.  512.  8)  Cf.  Martyris  relat  ap.  Hottinger.  H.  E.  VII.  715.  Languet  p.  140.  Ipse  Vermihus  accepit  salvum  conductum  d.  25.  Oct.  (Baum  114.  Languet  26.  Oct.  p.  152:  Ante  triduum  fui  c.  Martyre.  Is  impetrarat  dimissionem  a  Eegina.  9)  N.  3491.