16:58  per  omnia  placebat,  (quod  literis  etiam  apud  te  sum  testatus)  respondi  tamen  modestissime,  sententiam  illam  habere  suos  autores,  et  magnos  quidem  viros,  tam  veteres  quam  recentiores,  maxime  vero  Augustinum,  Lutherum,  Bucerum  et  alios  eximios  theologos,  quosdam  aliter  sentire:  itaque  suspendendum  potius  iudicium  quam  temere  pronunciandum  de  re  controversa.  Ita  mitigavi  praeiudicia  quorundam  in  tubalas6)  illas  admodum  commota  et  irata.  Sic  soleo  me  publice  et  privatim  gerere  ne  ullas  voces  emittam  quae  odia  accendant  potius  quam  restinguant.  Inter  haec  tamen  fieri  non  potest  ut  satisfiat  omnibus,  maxime  quum  consensus  aliquis  in  aliorum  sententias  flagitatur.  Ego  vero  te,  utpote  cordatum  virum,  credo  aequiore  animo  ferre  dissentientem  quibusdam  in  rebus  amicum,  nimis  (si  ita  vis)  lenem,  civilem,  moderatum,  adde  etiam  non  satis  acrem  et  rigidum  erga  malos,  quam  levem,  immoderatum  et  rigidum  assensorem.  Utcunque  enim  simus  in  quarundam  rerum  et  consiliorum  tractatione  paulo  diversiore  ingenio,  habeatque  forte  uterque  nostrum,  una  cum  naturae  stimulis  et  studiorum  diversitate  (quantum  ad  polytica  *  attinet)  suas  etiam  privatas  rationes  rerum  gerendarum,  non  debemus  tamen  rescindere  amicitiae  leges  et  iura  ob  istam  ingeniorum  imparitatem,  neque  sic  alienari  animis,  quasi  nihil  habeamus  commune  quia  non  omnia.  Itaque  pone  omnes  suspiciones,  mi  Calvine.  Si  meo  vel  vitio  vel  errore  tuo  amore  indignus  sum,  Christi  tamen  nomine  cogita  te  mihi  perpetuo  obligatum.  In  quo  ego  te  amare  et  colere  non  desinam  quamdiu  vivam.  Vale,  et  amicos  resaluta.  Spero  fictam  Caesaris  et  Regis  pacem  solidae  nobis  pacis  occasionem  daturas*.  Saepe  enim  fit  ut  per  externa  pericula  internae  et  domesticae  discordiae  sopiantur.  Vale.  Bernae  4��.  Martii  1556.  Nicolaus  tuus  Zerehintes.  2404.  CALVINUS  GLAUBURGO.  Laudat  eius  studium  in  concilianda  pace  in  ecclesia  Gallicam  Francofurdensi  mutuis  criminationibus  distracta  et  quum  arbitrium  ad  ipsum  in  hac  lite  delatum  sit,  proponit  componendae  conditiones.  (Deseribimus  ex  Ionvillaei  exemplari  in  Cod.  Gen.  107a,  fol.  127,  coll.  Turretini  Cod.  108,  fol.  64.  Epp.  Bern.  VI.  p.  628  et  Simleri  Yol.  87.)  6)  lege:  tabulas,  nempe  Bezae,  de  praedestinatione.