13:58  (Describenda  luit  ex  edit.  Bezae  Genev.  p.  76,  Laus.  p.  171,  Hanov.  p.  192,  Ohouet  p.  102,  Amst.  p.  46.)  Non  dubito,  amicissime  mi  Calvine,  te  iamdudum  accepisse  quis  sit  status,  imo  quae  sit  mutatio  ecclesiarum  in  nostra  parte  Germaniae:  quae  ruina  etiam  me  ex  ea  ecclesia,  in  qua  evangelium  filii  Dei  viginti  quinque  annis  docui,  eiecit.  Et  quum  mandato  TOV  avjoHcaroQoc^  vel  ad  carcerem  vel  ad  mortem  petitus  fuerim,  hactenus  divina  clementia,  et  cura  amicorum  ita  defensus  sum,  ut  his  diebus  salvus  ad  Basileam  pervenerim  ').  Statui  autem  hic  hibernare.  Et  quamquam  invenerim  omnia  hic  commoda,  hospitium,  urbis  amoenitatem,  civium  benevolentiam,  doctorum  virorum  familiaritatem,  et  (quo  maxime  delector)  ministrorum  ecclesiae  humanitatem:  tamen  quum  venit  in  mentem  vastatae  ecclesiae,  desertae  familiae  meae,  ac  periculorum,  quae  aliis  ecclesiis  et  ministris  earum  imminere  videntur,  cogitare  ipse  potes  nihil  externarum  rerum  tam  amoenum  esse,  quod  in  tali  paroxysmo  iucunditatem  afferre  queat.  Quare,  quae  est  tua  pietas,  non  dubito,  quin  coniungas  tuas  preces  cum  nostris,  ut  filius  Dei  incipiat  iterum  declarare  se  sedere  ad  dextram  Dei  patris  sui,  et  tueri  ecclesiam  suam.  Nam  hoc  officium  nos  vicissim  vobis  praestamus,  et  gratulantur,  tibi  et  tuae  ecclesiae,  quod  haec  pericula  ad  vos  nondum  pertingant,  ac  precamur  Deum  patrem  Domini  nostri  Iesu  Christi  ut  vos  ita  conservet,  quo  perspicue  cognoscatur  ecclesiam  filii  Dei  non  in  coelis  tantum,  verum  etiam  in  terris  suas  habere  mansiones  et  hospitia.  De  Argentorato,  existimo  te  e  Buceri  literis  cognoscere  quae  vel  spes  sit,  vel  metus.  Adhuc  deliberatur  ibi  de  recipiendo  vel  reiiciendo  Interitu  2).  Wittembergum  3)  et  reliqua  Saxonia  ac  Misnia  fortiter  adhuc  Interim  recusant.  Norimberga4)  agnoscit  quidem  TO  fisxa^v:  sed  nihil  adhuc  ibi  mutatum  est.  In  ducatu  Wirtembergensi  aliquibus  in  locis,  una  diei  hora  missatur,  alia  evangelium  Christi  praedicatur5).  Nec  ibi  quidquam  mutatum  est,  nisi  quod  veteres  quidam  sacrificuli  faciant  missas,  veri  autem  ministri  ecclesiae  receperint  in  administratione  sacrorum  vestitum,  quem  vocant  choralem,  et  adiecti  sint  quidam  festi  dies  ad  priores,  praeterea  esus  carnium  publicus  consuetis  hactenus  diebus  interdictus  1081.  1)  d.  24.  Iunii  Halam  Suevorum  fugitivus  reliquit  ut  mambus  eorum  quos  Granvella  miserat  ad  eum  capiendum  se  subduceret.  (Hartmann  et  Jaeger  II.  173).  Primum  in  vicima  Halae  in  sylvis  absconditus,  tutius  mox  refugium  per  Ulricum  ducem  habuit  in  arce  Hohenwtttlingen  prope  Uracum,  postea  Argentoratum,  Monsbelgardiam}  denique  Basileam  petiit,  ubi  a  magistratu  exceptus  apud  Grynaei  viduam  degebat  2)  sic.  3)  Sleid.  III.  132;  Banke,  v.  54.  4)  d.  28.  Augusti.  5)  Hryd,  Bz.  Ulrich  III.  518  sq.