9:579  579  RESPONSIO  AD  BALDUINI  CONVICIA.  580  veritatem  opponere.  Una  re  maxime  gloriatur,  quod  relicta  patria,  contemptis  divitiis  et  honoribus,  exsilium  et  inopiam  pro  evangelii  professione  pertulerit.  Equidem  in  laude  duco,  quod  evangelii  nomine  in  discrimen  vitae  adductus  fuga  sibi  consuluerit.  Fortunis  exutum  fuisse  negant  conterranei  et  familiares  :  quia  extra  Caesaris  ditionem  a  matre  et  cohaeredibus  permissum  fuit  sumere  quantum  ex  haereditate,  si  integra  fuisset  eius  conditio,  pervenire  ad  eum  poterat:  ut  ne  unius  quidem  assis  iacturum  fecerit.  Et  aliquando  coram  [pag.  38]  homini  gratulatus  sum,  quod  tam  facile  recuperasset  quod  sibi  credebat  periisse.  Verum  ne  falsis  laudibus  contra  Christum  regem  gloriae  superbiat,  iidem  eius  familiares  affirmant,  simul  ac  se  eripuit  a  periculo,  per  Claudium  Cantiunculam  1),  qui  tunc  cancellarius  erat  Lotharingiae,  de  reditu  tentasse,  quem  foeda  evangelii  abnegatione  redimere  paratus  erat.  Etsi  autem  repudiatus  alio  se  vertit,  iam  tunc  voluntarius  fuit  apostata.  Ego  quibus  vel  delitiis,  vel  commodis,  vel  opibus  Christum  praetulerim,  non  commemoro.  Tantum  dico,  si  mihi  fuisset  animus  Balduini,  non  fuisse  adeo  difficile  quae  frustra  semper  ambivit,  et  quibus  hodie  nimis  cupide  inhiat,  adipisci.  Sed  valeat  illud.  Ego  tenuitate  mea  contentus  frugalitatem  sic  colui,  ut  nemini  gravis  fuerim.  Quietus  maneo  in  statione  mea:  de  stipendio,  quod  mihi  mediocre  constitutum  erat  aliquid  remisi,  tantum  abest  ut  de  augendo  verba  fecerim.  Meas  omnes  curas,  labores,  studia  non  modo  in  utilitatem  huius  1)  Claude  Chansonnette.