32:579  579  HUITIEME  SERMON  580  ardente  qui  est  exprimee  en  ce  mot,  que  David  s'est  leve  a  la  minuict.  Comme  s'il  disoit,  que  le  iour  ne  luy  a  point  este  suffisant,  mais  que  durant  son  repos  mesmes,  qu'il  a  eu  son  esprit  esleve  en  haut  pour  rendre  action  de  graces  a  Dieu*  En  cela  il  signifie  qu'il  a  continue  a  louer  Dieu  sans  se  lasser.  Ainsi  donc  si  nous  voulons  bien  suyvre  l'exemple  de  David,  que  nous  ne  remercions  point  Dieu  quand  bon  nous  semblera,  et  quand  il  nous  en  souviendra  une  fois  en  quinze  iours,  ou  ie  ne  scay  comment:  ou  bien  quand  il  y  aura  quelque  ceremonie,  que  la  cloche  aura  sonne  pour  nous  faire  venir  au  sermon:  mais  que  ce  soit  tousiours  et  soir  et  matin,  et  au  milieu  de  la  nuict,  que  nous  ayons  nos  esprits  vigilans  pour  le  remercier.  Il  adiouste,  Qu'il  a  este  compagnon  de  tous  ceux  qui  ont  craint  Eieuy  et  qui  ont  garde  ses  statuts.  En  quoy  il  signifie  qu'il  a  cerche  tous  les  moyens  de  s'adonner  a  cheminer  en  la  crainte  de  Dieu.  Or  notons  que  David  estoit  un  homme  excellent,  comme  un  Ange  entre  des  creatures  mortelles:  et  toutesfois,  si  est-ce  qu'il  a  eu  besoin  de  s'accoupler  avec  gens  fideles,  avec  gens  de  bon  exemple,  de  vie  saincte  et  entiere.  Et  pourquoy?  afin  qu'il  fust  tousiours  tant  mieux  conferme  en  sa  vocation,  et  qu'il  ne  fust  point  diverty  par  mauvais  exemple.  Or  (comme  i'ay  desia  touche)  si  David  a  eu  besoin  de  cela,  que  sera-ce  de  nous,  qui  sommes  si  inconstans  et  si  muables  en  nos  propos?  Voyla  donc  le  premier  poinct  que  nous  avons  a  noter  en  ce  passage:  c'est  ascavoir,  que  David  proteste  que  combien  que  le  sainct  Esprit  besongnast  en  luy,  qu'il  se  sentist  conferme,  comme  nous  avons  veu,  toutesfois  encores  cerchoit-il  d'autres  aides  pour  i'induire,  et  l'entretenir  en  la  crainte  de  Dieu  :  comme  les  compagnies  qui  luy  estoyent  propres  pour  luy  faire  suyvre  sa  vocation,  et  pour  ne  s'en  point  destourner,  veu  qu'il  ne  faut  rien  pour  nous  divertir  du  droit  chemin.  Or  il  veut  signifier  d'avantage,  qu'il  s'est  associe  de  gens  craignans  Dieu,  afin  aussi  de  le  servir  comme  il  devoit.  Car  nous  sommes  tenus  de  nous  inciter  par  exhortations  mutuelles,  et  par  bons  exemples.  Il  faut  donc  que  nous  ayons  ces  deux  considerations:  qu'en  premier  lieu  nous  advieions  de  suyvre  ceux  qui  nous  peuvent  faire  profiter  de  plus  en  plus  en  la  crainte  de  Dieu,  et  puis  que  nous  taschions  de  profiter  a  ceux  avec  lesquels  nous  serons  ainsi  accompagnez,  les  incitans  par  tous  moyens  a  poursuyvre  le  bon  train,  auquel  Dieu  les  aura  mis,  afin  qu'il  soit  honnore  d'un  commun  accord:  et  qu'un  chacun  dise,  Allons,  taschons  de  faire  venir  les  autres  avec  nous  pour  honnorer  le  Seigneur  Dieu.  Or  la  conclusion  du  Huictain,  est  la  seconde  requeste,  Seigneur,  enseigne-moy  en  tes  statuts  :  car  la  terre  est  pleine  de  ta  misericorde.  Yci  nous  voyons