20:579  579  EPISTOLAE  4266-4268  580  levamus  oculos,  sed  tamen  trepidi  et  parum  fidentes  non  erigimur.  Caetera  ex  nuncio,  quem  ego  idoneum  putavi  cui  tuto  crederem.  Tam  incerta  rerum  et  misera  conditio  in  animum  meum  induxit  ut  curarem  meum  dare  nomen  magistro  artis,  ne  morte  mea  cogatur  egere  vel  redire,  simulque  ut  sudore  vultus  vitam  tueatur,  suis  si  res  ferat  non  defuturus.  Quaesivit  mihi  praeceptorem  Lugduni,  qui  et  factis  et  verbo  fidem  suam  testatur.  Proximis  feriis  spero  institorem  ad  eos  profecturum  ut  hoc  perficiat.  Habeo  hic  qui  suo  tempore  locum  eius  apud  vos  repleant  in  meis  malis.  Intellige  hoc  esse  unum  quod  mea  non  sequatur  mea*  consilia.  Amicum  nostrum  et  fratres  quaeso  saluta.  Vale,  et  pax  Christi  sit  tecum.  Commendo  vobis  ultimum,  et  ne  quis  suboleat.  Et  vos  cupio  scire  apud  quem  sint,  quia  sum  nonnihil  sollicitus  4267.  INCERTUS  CALVINO.  Post  laudes  Calvini  et  miseri  piorum  status  lamentabilem  descriptionem  aperit  suum  desiderium  Genevae  quietum  locum  obtinendi.  (Ex  autographo  Cod.  Genev.  109,  fol.  225.)  A  Monsieur  Maistre  Charles  D'eteville  a  Lyon.  Nihil  unquam  mihi  fuit  optatius,  vir  eruditissime,  quam  eam  mihi  aliquando  occasionem  dari,  qua  te  non  quidem  per  literas  salutarem,  sed  tecum  in  colloquium  venirem.  Verum  quando  is  hactenus  fuit  status  rerum  mearum,  ut  id  in  quo  mihi  putabam  esse  omnia  minime  potuerim  consequi,  non  putavi  mihi  committendum  esse  ut  hic  Claudius  noster  sine  meis  literis  istuc  veniret,  quibus  tui  videndi  desiderium  aliquo  modo  tamdiu  lenirem,  dum  mihi  coram  licebit  omnes  animi  mei  cogitationes  in  sinum  tuum  effundere.  Me  vero,  quod  plerique  solent,  statim  in  fronte  epistolae  non  excuso,  quod  ignotus  ad  ignotum,  tantillus  ad  tantum  scribo:  idque  humanitate  tua  fretus  quae  personam  non  excipit.  Neque  te  magnificis  titulis  onerans  pluribus  exspatiabor  in  laudes  tuas,  ne  quid  auribus  tuis  dare  videar.  Quum  enim,  ut  scis,  in  nemine  non  turpe  est  assentationis  vitium,  tum  vero  in  homine  christiano  turpissimum.  Adde  his  quod  ie  in  tam  illustri  loco  positum  esse  video  ut  omnium