5:578  Car  chascun  s'applicque  les  benefices  de  Christ  en  foy,  par  la  parolle  et  par  l'usage,  qu'il  a  des  Sacremens,  non  pas  pour  l'oeuvre,  ou  pour  le  merite  d'aultruy,  comme  il  est  escript:  le  iuste  vivra  en  sa  foy.  D'avantage,  l'applicquation  pour  les  mors  contrevient  a  l'institution  du  Sacrement,  lequel  a  este  ordonne  .pour  les  vivans,  affin  qu'ilz  le  receoyvent  et  s'exercent  en  remembrance  fidele.  Cela  ne  convient  point  aux  mortz.  Pourtant  c'est  une  chose  digne  de  doleance,  que  non  seulement  on  a  translate  ce  Sacrement  aux  mortz,  mais  que  de  cela  aussi  sont  sortis  tant  d'abuz,  que  les  temples  sont  plus  occupez  en  services  des  trespassez,  qu'on  appelle,  que  au  ministere  qui  estoit  necessaire  pour  les  vivans.  De  la  Messe  privee  et  de  l'usage  entier  du  Sacrement.  O  Ce  conseil  est  donne  au  livre,  que  pour  entretenir  la  tranquillite  commune,  on  concede  a  chascune  Eglise  de  retenir  sa  facon,  a  scavoir  que  la  Messe  soit  celebree  entre  nous,  seulement  quand  il  y  aura  gens  pour  communier,  que  les  aultres  l'ayent,  mesme  sans  communion:  toutesfoys  il  fauldra  enhorter  le  peuple  de  communier  plus  souvent  :  et  fauldra  mettre  peine,  que  la  coustume  ancienne  de  l'Eglise  soit  restituee  comment  que  ce  soit.  Car  il  est  notoire,  que  au  commencement  il  y  a  eu  tousiours  communion  en  la  Cene.  De  cest  article  il  nous  en  semble  ainsi.  Nous  entendons  bien,  qu'il  ne  se  peult  faire  mutation  subite.  Car  il  fault  premierement  enseigner  le  peuple  du  vray  usage  [fol.  80]  du  Sacrement.  Nous  aussi  en  noz  Eglises  avons  petit  a  petit  en  ce  enseignant  ramene  Tordre  ancien.  S.  Paul  commande  que  la  communion  soit  faicte,  et  qu'en  l'assemblee  on  attende  la  distribution  commune  du  corps  et  du  sang  de  Christ.  Les  Canons  anciens  en  ont  autant  ordonne,  et  seroit  a  desirer,  que  ceste  coustume  n'eust  point  este  changee.  Car  lors  ceux  qui  communioyent  entendoyent  le  vray  usage  du  Sacrement,  ilz  congnoissoyent,  que  la  distribution  se  faisoit  pour  esmouvoir  la  foy,  et  que  par  foy  les  benefices  de  Christ  leur  estoyent  applicquez  en  ce  ministere.  Ces  abuz  qui  sont  maintenant,  que  la  Messe  doit  estre  applicquee  aux  aultres,  tant  vifz  que  mors,  estoyent  incongneuz:  mais  un  chascun  recevant  Ie  Sacrement  eherchoit  consolation  pour  sa  conscience.  Depuis,  comme  les  entendemens  humains,  sont  enclins  a  mettre  leur  fiance  aux  ceremonies,  la  coustume  estant  changee,  ceste  opinion  a  eu  entree  que  le  Prestre  offre  pour  l'Eglise,  et  faict  oeuvre  meritoire  pour  soy  et  pour  les  aultres.  Quant  et  quant  les  Messes  1)  Lettre  H.  Voyez  ci-dessus  page  554.