32:578  dire  pourtant,  que  son  amour  soit  diminuee  envers  nous,  ne  qu'il  ait  moindre  soin  de  nostre  salut:  attendons  seulement  qu'il  nous  donne  issue  en  nos  afflictions,  et  cependant  continuons  a  cheminer  selon  sa  parole,  et  ne  mettons  iamais  sa  Loy  en  oubly,  quelque  chose  que  Satan  nous  solicite  au  contraire.  Or  il  est  dit  consequemment,  Que  David  s'est  leve  a  la  minuict  pour  louer  Dieu  selon  ses  iustes  iugemens.  Voyci  une  belle  protestation,  laquelle  aussi  depend  de  ce  que  nous  avons  traitte  au  premier  verset:  car  la  David  protestoit,  que  la  vraye  felicite,  et  le  bien  parfait  des  hommes  est,  quand  ils  s'adonnent  a  Dieu,  et  a  sa  parole.  Or  yci  il  dit,  qu'il  s'est  leve  a  minuict  pour  rendre  graces  a  Dieu,  voire  pour  ses  iustes  iugemetis.  Comme  s'il  disoit.  Seigneur,  i'ay  desia  declare  que  mon  partage  estoit  d'avoir  ta  parole,  et  de  la  posseder  :  que  si  i'avoye  cela,  i'estoye  heureux  et  plus  qu'heureux.  O  maintenant,  Seigneur,  ne  permets  point  que  ie  soye  ingrat  d'un  tel  benefice,  et  d'un  tel  privilege  que  tu  m'as  fait.  Il  luy  allegue  aussi  ses  iugemens  et  sa  iustice.  Nous  avons  declare  par  cy  devant  que  c'est  qu'emportent  ces  mots,  c'est  ascavoir,  les  statuts  de  Dieu:  qui  sont  pour  nous  reigler  en  telle  droiture,  que  nostre  vie  ne  sera  point  tortue  ni  oblique.  David  donc,  disant  qu'il  a  loue  Dieu  a  cause  de  ses  iustes  iugemens,  signifie  qu'il  l'a  remercie  de  ce  qu'il  estoit  enseigne  en  sa  parole,  scachant  que  c'estoit  un  benefice  singulier.  Or  nous  devons  bien  noter  ceste  sentence:  car  nous  voyons  quelle  est  l'ingratitude  des  hommes,  principalement  en  cestuy-ci,  Que  si  Dieu  se  declare  a  eux  par  sa  Loy,  par  ses  Prophetes,  et  par  son  Evangile,  ils  ne  pensent  point  a  tout  cela:  et  qui  pis  est,  s'il  veut  vaincre  leur  malice  par  sa  bonte,  qu'il  se  presente  a  eux  pour  pere  et  pour  Sauveur,  ils  le  fuiront  tant  qu'il  leur  sera  possible.  Il  est  vray  qu'ils  feront  semblant  de  le  cercher  par  acquit,  voire  quand  ils  y  seront  forcez:  mais  cependant  si  est-ce  que  s'il  estoit  en  leur  liberte  et  en  leur  choix,  ils  viendroyent  s'eslongner  de  Dieu  tant  qu'ils  pourroyent.  Or  quand  les  hommes  cerchent  ainsi  Dieu,  ce  n'est  point  pour  venir  droit  a  luy,  mais  seulement  pour  dire,  Voyla  i'ay  affection  a  Dieu,  ie  suis  de  ceux  qui  le  cerchent.  Et  de  faict,  quand  Dieu  par  sa  parole  tasche  de  nous  attirer  a  soy,  comment  peut-on  assez  cognoistre  un  tel  bien?  Parquoy  notons  ceste  doctrine,  veu  qu'elle  nous  est  tant  necessaire  pour  corriger  nostre  malice  et  nostre  ingratitude  tant  vilaine:  et  que  doresenavant  nous  apprenions  de  louer  Dieu,  d'autant  qu'il  luy  a  pleu  nous  faire  participans  de  ce  thresor  inestimable,  ascavoir  de  la  doctrine  de  salut:  qu'il  a  voulu  reigler  nostre  vie,  a  ce  que  ne  soyons  point  comme  povres  esgarez,  pour  nous  precipiter  aux  abysmes  d'enfer.  Il  y  a  semblablement  l'affection  37