5:577  ACTES  DE  KATISBONNE.  De  la  Messe.L)  [fol.  78]  Le  sacrifice  qui  a  appaise  l'ire  de  Dieu  contre  le  peche  du  genre  humain,  et  a  este  le  priz  pour  les  pechez,  et  a  merite  aux  hommes  reconciliation  avec  Dieu,  grace  et  vie  eternelle,  ce  a  este  la  seule  mort  du  Filz  de  Dieu:  lequel  s'est  offert  au  Pere  eternel  luymesme  et  a  este  Sacrificateur  de  ceste  oblation,  comme  enseigne  l'Epistre  aux  Hebr.  Or  il  a  institue  ministeres  par  lesquelz  les  benefices  infiniz  de  ce  sacrifice  nous  sont  distribuez  et  appliquez.  En  iceux  est  la  Cene  du  Seigneur,  en  laquelle  celuy  qui  prent  le  corps  et  le  sang  de  Christ,  s'applicque  par  foy  les  biens  acquis  par  la  mort  d'iceluy,  laquelle  a  este  le  vray  sacrifice.  C'est  quand  nous  recongnoissons  et  croyons  que  certainement  les  pechez  nous  sont  remis  par  la  mort  du  Filz  de  Dieu:  lequel  s'est  offert  pour  nous,  et  en  ceste  foy  nous  recevons  Christ  et  nous  consolons.  Voila  comment  le  sacrifice  profite  a  ceux  qui  prennent  la  Cene  ensoy.  Or  comme  ainsi  soit,  qu'en  la  vraye  Messe  ecclesiastique  il  y  ayt  trois  choses,  assavoir  la  Cene  du  Seigneur,  la  remembrance  de  sa  mort,  et  les  prieres  et  actions  de  graces.  Les  sainctz  Peres  ont  appelle  toute  ceste  Ceremonie  sacrifice,  non  pas,  que  ce  soit  un  priz  pour  les  pechez,  ou  qu'elle  merite  aux  aultres  remission:  mais  a  cause  que  les  prieres  et  actions  de  graces,  sont  sacrifice  de  louenge,  comme  aussi  on  les  appelle,  c'est  a  dire,  bonnes  oeuvres,  lesquelles  nous  rendons  a  Dieu,  pour  l'honnorer:  et  l'oblation  ou  la  Cene  n'est  pas  applicquee  pour  les  aultres  :  et  ne  merite  point  aux  aultres  remission  de  pechez:  et  neantmoins  elle  est  faicte  a  celuy,  qui  la  receoit,  sacrifice  de  louenge,  a  cause  de  la  remembrance,  laquelle  comprent  plusieurs  choses,  comme  la  foy,  invocation,  declaration  du  mystere,  et  action  de  graces.  Car  Christ  parle  de  la  remembrance  fidele,  c'est  a  dire  il  veult  que  nous  ayons  memoire,  non  pas  seulement  de  Phystoire:  comme  il  se  faict  en  des  spectacles  humains:  mais  que  la  souvenance  soit  en  foy,  pour  recevoir  la  reconciliation,  qui  nous  est  promise  pour  nous  consoler  et  delivrer  des  horreurs  de  peche  et  de  [fol.  79]  mort,  et  esmouvoir  a  invocation  et  action  de  grace.  Que  ceux  ne  soyent  les  vrays  services,  et  les  sacrifices  aggreables  a  Dieu  en  la  Cene,  il  n'y  a  nulle  doubte.  Et  ces  choses  sont  celebrees  des  sainctz  Peres:  quand  il  est  question  des  louenges  de  la  vraye  Messe  ancienne.  Comme  Cyprian  dict,  que  la  piete  se  divisant  entre  ce  qui  est  donne  et  ce  qui  est  remis,  remercie  Dieu,  qui  a  eslargi  tant  de  biens.  Parquoy  nous  n'estimons  point,  qu'il  se  face  Tapplicquation  pour  les  aultres,  ou  vivans  ou  mortz.  1)  Lettre  G.  Voyes  ct-dessus  page  552.  Calvini  opera.  Vol  V.