40:577  577  IN  DANIELEM.  CAP.  II.  578  ludum  Dei,  et  proiici  homines  quasi  pilas.  Sed,  quemadmodum  iam  dixi,  non  mirum  est  homines  qui  perverso  sunt  et  corrupto  ingenio,  ita  in  sinistram  partem  trahere  omnia  Dei  opera.  Quantum  ad  nos  spectat,  teneamus  quod  hic  docet  propheta,  nempe  revolutiones,  ut  loquuntur,  esse  testimonia  potentiae  Dei,  et  quasi  digito  ostendere  gubernari  divinitus  res  humanas.  Nam  alterutrum  sumere  necesse  est,  vel  quod  natura  dominetur  in  rebus  humanis,  vel  quod  fortuna  verset  huc  et  illuc  quae  debebant  habere  aequabilem  cursum.  Quod  ad  naturam  spectat,  aequabilis  esset  ratio,  nisi  Deus  singulari  consilio,  prout  visum  est,  ita  mutaret  vices  temporum.  Et  tamen  philosophi,  qui  summum  imperium  assignant  naturae,  multo  sunt  saniores  reliquis,  qui  statuunt  in  supremo  gradu  fortunam.  Iam  si  admittimus  quod  isti  posteriores  volunt,  nempe  fortunae  temerario  impetu  res  humanas  versari,  unde  ista  fortuna?  Et  si  petimus  ab  ipsis  definitionem,  quid  respondebunt?  Certe  cogentur  fateri  nomen  illud  fortunae  esse  vanum  commentum.  Atqui  neque  Deus,  neque  natura  locum  habebunt  in  vana  et  quasi  versatili  mundi  gubernatione,  dum  sine  ordine  omnia  se  tumultuarie  in  speciem  praecipitant.  Quod  si  conceditur,  certe  Epicuri  doctrina  locum  habebit:  quia  si  Deus  resignat  summum  mundi  imperium,  ita  ut  omnia  temere  sic  versentur,  iam  desinet  esse  Deus.  Verum  in  hac  varietate  potius  manum  suam  exserit  ad  vendicandum  sibi  mundi  imperium.  Meminerimus  ergo  in  tot  mutationibus,  quae  subinde  nobis  occurrunt,  et  quibus  renovatur  quodammodo  mundi  facies,  fulgere  Dei  providentiam,  et  res  non  fluere  aequabili  cursu  :  quia  posset  probabili  coniectura  tunc  adscribi  naturae  quod  unius  Dei  proprium  est.  Deus,  inquam,  sic  mutat  imperia,  et  vices  temporum,  ut  discamus  in  ipsum  respicere.  Si  semper  aequabiliter  sol  oriatur  et  occidat,  vel  saltem  certa  symmetria  quotannis  fluant  sine  adventitia  mutatione  neque  sint  breves  hiberni  dies,  aestivi  autem  longi,  tunc  possemus  colligere  esse  certum  ordinem  naturae:  et  hoc  modo  Deus  quasi  reiiceretur  ab  imperio  suo.  Ubi  autem  non  solum  differunt  hiberni  dies  ab  aestivis:  sed  etiam  non  semper  ver  eandem  temperiem  retinet,  imo  aliquando  est  turbulentum,  vel  nivosum,  aliquando  aequat  aestatem  calore:  deinde  quum  aestates  sunt  tam  variae,  quum  nullus  annus  similis  est  prorsus  alteri,  quum  in  horas  et  momenta  aer  mutatur,  et  coelum  induit  novam  faciem:  quum  ergo  haec  omnia  cernuntur,  quasi  nos  expergefacit  Deus,  ne  ita  torpeamus  in  crasso  nostro  sensu,  et  fingamus  naturam  esse  aliquod  numen,  ita  ut  ipse  privetur  legitimo  honore,  transferatur  ad  nostrum  commentum  quod  merito  sibi  uni  vendicat.  Si  in  rebus  istis  vulgaribus  agnoscere  coguntur  Dei  providentiam,  si  qua  mutatio  contingat  maioris  momenti,  Calvini  opera.  Vol.  XL.