35:577  577  SUR  LE  CANTIQUE  D'EZECHIAS.  578  voulu,  et  dire,  que  chacun  me  loue  en  sa  chambre:  mais  il  veut  qu'il  y  ait  ceste  police,  que  nous  soyons  unis  comme  en  un  corps,  et  que  nous  l'invoquions  d'une  bouche,  que  nous  facions  confession  de  nostre  foy  par  accord.  Et  pourquoy?  Il  est  vray  qu'en  premier  lieu  nous  voyons  qu'il  faut  que  tous  nos  sens  s'appliquent  a  le  glorifier:  mais  il  y  a  aussi  bien  une  seconde  raison,  c'est  que  l'un  incite  l'autre,  comme  nous  en  avons  besoin:  car  il  n'y  a  celuy  de  nous  qui  se  sente  si  dispose  a  louer  Dieu,  qu'il  n'ait  encore  quelque  aiguillon  quand  il  verra  la  compagnie  des  fideles,  et  qu'on  luy  monstrera  exemple.  D'autant  donc  que  cela  nous  incite,  Dieu  veut  qu'en  public  et  en  commun  nous  chantions  ses  louanges.  Et  voyla  pourquoy  notamment  Ezechias  dit  yci  qu'il  viendra  au  temple  du  Seigneur,  pour  louer  et  benir  son  Nom.  Comme  nous  voyons  aussi  que  Ionas  dit  le  semblable.  Il  parle  de  la  maison  du  Seigneur.  Et  pourquoy?  non  pas  (comme  i'ay  dit)  que  les  louanges  de  Dieu  fussent  la  encloses  et  cachees:  mais  pource  que  le  peuple  s'y  assembloit,  et  qu'il  scavoit  que  cela  apporteroit  plus  de  profit,  d'autant  qu'il  y  en  avoit  qui  seroyent  incitez  par  son  exemple.  Voyla  donc  en  somme  le  cantique  d'Ezechias.  Or  finalement  il  est  yci  recite  que  le  Prophete  Isaie  commande  qu'on  luy  face  un  emplastre  de  figues  sur  sa  playe.  En  quoy  il  est  vray-semblable  que  c'estoit  une  peste  qu'il  avoit.  Et  puis  il  est  adiouste  quant  et  quant  qu'Ezechias  aussi  demande  signe  qui  luy  est  ottroye,  comme  nous  avons  veu  quand  le  soleil  fut  reculle  de  l'ordre  de  l'horloge  d'Achas.  On  pourroit  yci  esmouvoir  une  question,  si  cest  emplastre  a  este  une  medecine,  ou  si  c'a  este  quelque  signe  que  1e  Prophete  luy  donnast.  Et  semble  bien  que  si  c'eust  este  une  medecine,  c'estoit  pour  diminuer  de  la  gloire  de  Dieu,  pource  qu'il  faloit  que  la  vie  d'Ezechias  fust  miraculeuse.  Pourquoy  donc  Dieu  ne  le  guarissoit-il  sans  aucun  moyen?  Mais  quand  tout  sera  bien  considere,  le  signe  ou  miracle  qui  fut  donne  a  Ezechias,  quand  le  soleil  arresta  son  cours,  et  que  l'ombre  de  l'horloge  fut  recullee  d'autant  de  degrez,  suffit  bien,  et  oste  toute  doute.  Au  reste,  encores  qu'Ezechias  ait  use  de  cest  emplastre,  ce  n'est  pas  pourtant  a  dire  que  la  guarison  fust  naturelle.  Car  puis  que  Dieu  avoit  change  l'ordre  du  ciel,  et  avoit  monstre  un  tesmoignage  si  evident  que  cela  procedoit  de  sa  main,  et  que  c'estoit  un  benefice  extraordinaire,  nous-nous  devons  contenter  de  cela:  et  nous  voyons  quelques  fois  que  Dieu  s'est  ainsi  servi  de  ses  creatures:  et  cependant  il  a  assez  declare  qu'il  n'y  avoit  que  sa  seule  vertu.  Ceux  qui  estiment  qu'Ezechias  ait  plustost  eu  cest  emplastre  comme  un  sacrement  pour  se  confermer,  pensent  que  les  figues  eussent  plus  nuy  a  la  playe,  qu'elles  n'y  Calvini  opera.  Vol.  XXXV.