32:577  hil  SUR  LE  PSEAUME  CXIX.  578  pour  nous  destourner  du  bon  chemin.  Et  nous  devrions  avoir  honte  de  si  soudain  tourner  bride:  la  ou  auparavant  nous  avons  fait  semblant  de  suyvre  Dieu,  que  nous  allions  tout  au  rebours.  Si  est-ce  que  nous  pensons  avoir  excuse  plus  que  legitime,  quand  nous  pourrons  mettre  en  avant,  que  nous  avons  este  desbauchez  par  quelque  tentation.  Or  tant  s'en  faut  que  ceste  excuse  yci  soit  vallable,  qu'elle  n'est  ne  de  mise  ne  de  recepte:  mais  faut  que  nous  protestions  a  l'exemple  de  David,  voire  et  en  verite  comme  il  a  fait,  Que  quand  les  bandes  de  tous  les  meschans  du  monde  nous  viendroyent  assaillir,  que  nous  ne  laisserons  point  de  persister  en  la  Loy  de  Dieu.  Et  notamment  ii  dit,  Qu'ils  Vont  pille.  Qui  est  encores  le  plus  aigre  en  l'homme,  et  pour  le  faire  plustost  defaillir.  Car  il  adviendra  que  les  meschans  tascheront  de  nous  molester,  et  ne  viendroyent  point  a  bout  de  leur  entreprinse:  mais  David  dit,  qu'il  a  este  expose  en  proye,  qu'il  estoit  la  comme  une  povre  creature  desesperee,  qu'il  estoit  assailly  de  tous  costez:  et  neantmoins  qu'il  n'a  point  mis  la  Loy  de  Dieu  en  oubly.  Et  en  disant  cela,  c'est  comme  s'il  protestoit,  qu'il  a  eu  tousiours  une  mesme  affection  de  suyvre  Dieu.  Or  retournons  maintenant  a  ca  que  nous  avons  touche.  Car  ceste  tentation  n'est  point  petite,  que  Dieu  permette  que  nous  soyons  ainsi  molestez,  qu'on  nous  fasche  et  qu'on  nous  tormente.  Quand  Dieu  permet  une  telle  vogue  a  Satan  et  a  ses  supposts,  ce  seroit  quasi  pour  nous  faire  perdre  cent  mille  fois  courage.  Et  de  fait,  c'est  la  ruse  de  Satan,  comme  nous  voyons  en  1ob.  Car  quand  Satan  veut  monstrer  qu'il  est  bien  aise  a  Iob  de  servir  a  Dieu,  O  (dit-il)  il  est  a  son  aise,  il  est  a  repos,  il  a  abondance  de  biens,  il  luy  est  bien  facile  de  louer  Dieu,  mais  quand  ii  perdra  tout  ce  qu'il  a,  toute  sa  substance,  et  qu'on  luy  fera  beaucoup  d'ennuis  et  de  tormens,  on  verra  alors  s'il  benira  Dieu.  Voyla  donc  l'espreuve  que  Dieu  nous  envoye,  quand  il  souffre  que  les  meschans  nous  molestent,  qu'ils  nous  mettent  comme  le  pied  sur  la  gorge.  Par  cela  il  veut  esprouver  si  nous  l'aimons  a  bon  escient,  ou  non.  D'autant  plus  donc  nous  faut-il  bien  noter  ceste  doctrine.  Car  ii  est  impossible  que  nous  servions  a  Dieu  comme  nous  devons,  si  ce  n'est  que  nous  ayons  ceste  constance  de  laquelle  parle  yci  David:  c'est  ascavoir,  que  quand  nous  serons  affligez  en  quelque  sorte  que  ce  soit,  nous  ne  laissions  pas  toutes  fois  de  prier  Dieu,  de  nous  adonner  a  luy.  Voyla  quelle  est  la  somme.  Et  par  cela  nous  sommes  instruits,  que  les  afflictions  et  autres  choses  semblables  ne  nous  doyvent  point  empescher  que  nous  ne  requerions  Dieu,  et  que  nous  ne  cheminions  tousiours  en  son  obeissance,  car  s'il  permet  que  nous  soyons  affligez  selon  la  chair,  ce  n'est  pas  a  Calvini  opera.  Vol.  XXXII.