9:576  imitentur  omnes  christiani  principes.  Vanitatis,  futilitatis,  calumniae,  maledicentiae  magnam  esse  turpitudinem  fateor.  Cur  ergo  his  omnibus  vitiis  infamiam  et  odium  omnium  sibi  accersit?  Sit  sane  magnum  odium  saevitiae  adversus  insontes  inflammatae:  sit  etiam  magna  dictaturae  [pag.  30]  invidia  bonos  cives  proscribentis:  intolerabilis  res  sit  in  ecclesia  tyrannis:  quando  nihil  horum  in  me  competit,  libenter  admitto.  Si  me  sugillare  impuro  conviciatori  propositum  est,  acta  saevitiae  meae  commemoret,  insontes  nominet  a  ine  afflictos,  tabulas  proscriptionis  ostendat:  denique  tyrannica  acta  proferat,  quae  exercuerim  sub  religionis  specie.  Et  tamen  postquam  libidini  suae  adeo  intemperanter  indulsit,  multo  atrociora  in  posterum  denunciat:  et  pro  solita  urbanitate  nunc  se  mihi  parcere  iocatur.  Atqui  nihil  melius  quam  vesanum  hunc  furorem,  qui  ad  me  non  pertingit,  e  tuto  despicere  :  quia  ubi  latratus  omnes  suos  consumpserit,  idem  manebit  qui  semper  fuit  obscoenus  canis.  Glorietur  se  mihi  non  cedere  in  reipublicae  et  ecclesiae  servandae  studio:  modo  inani  fastu  crepantem  pueri  quoque  subsannent.  Nec  vero  Galliae  oculos  configere  necesse  est,  ut  de  perpetua  mea  fide,  diligentia,  integritate,  modestia,  tolerantia,  et  assiduis  pro  ecclesia  laboribus,  iudicet:  quod  tot  insignibus  documentis  iam  usque  a  mea  adulescentia  probatum  est.  Hac  fiducia  in  gradu  [pag.  31]  meo  ad  extremum  usque  perstare  mihi  satis  erit.  Nam  quod  me  errare  clamitat,  si  in  eo  me  iam  solio  puto  locatum,  ut  mihi  quodlibet  liceat,  omnibus  insultem,  omnibus  indicam  silentium,  solus  imperem  et  fulminem,  eiusdem  est  futilitatis  quae  iam  in  aliis  spurcis  conviciis  patefacta  est.  Ne  quid  tamen  proterviae  reliquum  faciat,  quia  aliquando  ne  quid  amicis  crearet  periculi  nomen  meum,  privatim  quum  ad  eos  scriberem  Lucanium  me  inversis  literis  vocavi,  trahit  bonus  hic  reipublicae  defensor  in  crimen:  et  simul  Luciani  nomen  permiscens,  infamiam  aspergere  mihi  conatur,  Calvinum  in  Lucianum  vertendo.  Nempe  hoc  dicterio  se  religiosum  probare  voluit,  vel  saltem  occupare,  ne  ad  magistrum  suum  Lucianum  ablegaretur.  Hi  scilicet  salsi  sunt  lepores  boni  rhetoris:  prae  quibus  tolerabile  esset  cavillum,  si  quis  Badinum  pro  Balduino  diceret:  quod  tamen  putidae  esset  affectationis.  Sed  nihil  mirum  sic  hominem  mente  alienatum  desipere,  qui  crimen  ἀστοργίας  sibi  obiectum  diluere  volens,  orbitatem  mihi  exprobrat.  Dederat  mihi  Deus  [pag.  32]  filiolum:  abstulit.  Hoc  quoque  recenset  inter  probra  liberis  me  carere.  Atqui  mihi  filiorum  sunt  myriades  in  toto  orbe  christiano.  Si  vero  filiola  tua,  quam  celebras,  et  qua  superbis,  adolescat,  merito  eam  pudebit  tali  patre  fuisse  progenitam.  Quorsum  tamen  colligat  bonus  philosophus  quid  sit  στοργὴ  me  nescire,  qui  nondum  sim  pater,  fateor  me  non  assequi.  Στοργὰς