5:576  ou  bonnes  oeuvres,  desquelles  la  fin  directe  ou  immediate  soit  de  faire  honneur  a  Dieu.  Car  il  est  escript:  En  vain  on  honnore  Dieu  par  traditions  des  hommes.  Secondement  il  ne  fault  pas  quelles  contreviennent  au  commandement  de  Dieu,  ne  qu'on  les  estime  choses  necessaires:  mais  les  fault  tenir  pour  indifferentes,  lesquelles  il  est  loisible  de  omettre  hors  le  scandale.  Comme  sainct  Paul  aux  Collosiens  le  dict,  [fol.  77]  parlant  des  ordonnances  humaines  qui  se  font  en  l'Eglise  :  que  nul  ne  vous  condemne  en  viande,  ne  breuvage,  ne  iour  de  feste.  Car  il  est  besoing  de  discerner  entre  les  traditions  humaines,  et  la  droicte  reigle  de  servir  a  Dieu,  qui  l'a  institue  luy  mesme.  Comme  il  est  dict  en  Ezechiel:  Ie  suis  le  Seigneur  vostre  Dieu:  cheminez  en  mes  commandemens.  Des  Sainctz.l)  Nous  ne  recevons  pas  ce  poinct  du  present  article,  ou  il  est  parle  de  la  double  invocation  des  Sainctz,  qui  sont  decedez  de  ce  monde.  C'est  que  a  cause  de  leurs  merites  nous  soyons  aydez.  Item  qu'on  les  invoque  directement,  comme  en  disant:  S.  Pierre,  prie  pour  moy.  Car  Christ  dict  :  Tout  ce  que  vous  demanderez  au  Pere  en  mon  Nom,  il  vous  sera  donne.  Certes  il  y  a  un  seul  Mediateur,  qui  nous  a  este  donne,  et  avons  commandement  de  nous  adresser  a  luy,  comme  il  dict:  Venez  a  moy  vous  tous,  qui  estes  chargez  et  travaillez:  et  ie  vous  soulageray  (Matth,  l  l  ,  28).  Parquoy  la  facon  de  prier  par  aultres  mediateurs,  n'est  point  a  approuver:  principallement  veu  que  nul  service  de  Dieu  ne  doit  estre  introduict  en  l'Eglise  qui  ne  soit  approuve  par  la  parolle  de  luy  mesme.  Quand  a  l'invocation  directe  de  celuy  qui  est  absent,  elle  attribue  toute  puissance  a  celuy  qui  est  invoque.  Car  de  oyr  les  desirs  des  coeurs,  il  appertient  a  un  seul  Dieu.  Et  combien  qu'on  ayt  cherche  une  subtilite,  pour  excuser  ceste  absurdite,  toutesfoys  elle  n'a  tesmoignage  dela  parolle  de  Dieu:  et  est  contraire  a  l'affection  et  pensee  de  ceux  qui  font  telles  oraisons,  lesquelz  ont  leur  refuge  aux  Sainctz,  pource  qu'ilz  estiment,  que  Dieu  est  courrouce:  et  ainsi  veulent  que  les  prieres  soyent  portees  a  Dieu  par  les  Sainctz.  Finablement,  puis  qu'il  est  tresmanifeste,  que  de  tel  honneur  qu'on  porte  aux  Sainctz,  l'office  du  Mediateur,  Iesus  Christ  est  obscurcy,  nous  ne  le  pouvons  nullement  confermer  par  nostre  approbation.  1)  Lettre  F.  Voyez  ci-dessus  page  549