32:576  dressez  par  luy:  que  nous  les  puissions  repousser,  et  que  nous  demeurions  tousiours  en  nostre  propos  sans  varier.  Voyla  ce  qui  nous  est  yci  monstre.  Et  nous  faut  noter  qu'il  y  a  deux  tentations,  ausquelles  nous  avons  a  resister  quand  on  nous  viendra  fascher,  qu'on  nous  fera  tort  et  iniure.  La  premiere  tentation  est,  qu'incontinent  nous  sommes  esmeus  a  rendre  la  pareille,  mal  pour  mal:  voyla  que  nostre  nature  porte.  Or  puis  que  Dieu  nous  commande  de  vaincre  le  mal  en  bien-faisant,  d'aimer  nos  ennemis:  nous  avons  besoin  de  nous  bien  armer,  et  equipper  de  ces  passages.  Car  iamais  nous  ne  viendrons  k  bout  de  surmonter  une  telle  tentation  ny  un  tel  appetit  de  vengeance,  que  Dieu  n'ait  bien  besongne  en  nous.  Il  y  a  aussi,  qu'il  nous  semble  que  le  mal  nous  est  licite,  quand  nous  ne  voyons  que  mal  tout  a  l'environ,  si  nous  regardons  comment  c'est  que  le  monde  se  gouverne.  Nous  verrons  l'un  qui  est  desborde  en  paillardise,  l'autre  en  blasphemes,  l'autre  en  rapines  et  usures,  et  en  fraudes,  l'autre  en  cecy  ou  en  cela:  et  beaucoup  sont  du  tout  alienez  de  Dieu,  et  prochains  de  Satan,  transportez  a,  cecy  et  a  cela.  Quand  donc  nous  sommes  ainsi  environnez  de  maux,  il  nous  semble  que  nous  pouvons  prendre  conge  de  mal-faire.  Voyla  comme  les  enfans  de  Dieu  pourront  estre  tentez,  et  comme  nous  voyons  aussi  qu'un  nombre  infini  se  trompe  quasi  tous  les  iours.  Et  pourtant  notons  que  si  nous  avons  eu  une  affection  franche  de  venir  a  Dieu,  qu'il  nous  ait  tendu  la  main  pour  quelque  temps,  afin  de  venir  a  luy,  que  ce  n'est  point  assez:  mais  sur  cela  il  faut  que  nous  taschions  de  cueiilir  force  nouvelle,  a  ce��  que  le  Diable  ne  nous  puisse  point  esbranler,  quand  il  nons  suscitera  des  troubles,  qu'il  nous  viendra  mettre  beaucoup  d'etnpeschemens  au  devant.  Il  faut  donc  que  nous  soyons  munis  a  l'encontre,  afin  que  nous  ne  mettrons  point  en  oubly  la  Loy  de  Dieu,  quoy  qu'il  en  soit.  Et  nous  faut  noter  ceste  circonstance,  que  David  ne  dit  pas  seulement,  qu'il  a  este  fasche  par  un  seul  homme,  ne  par  deux  ou  trois,  ou  par  douze:  mais  il  dit,  Les  bandes  des  meschans.  Quand  il  dit,  Les  bandes,  c'est  beaucoup:  quand  il  n'y  auroit  qu'une  bande,  co  seroit  assez:  mais  il  dit  les  bandes:  signifiant  qu'il  estoit  assailly  de  tous  costez,  qu'il  estoit  comme  une  brebis  entre  les  loups,  des  Lions,  des  Ours,  et  toutes  autres  bestes  sauvages:  et  neantmoins  il  a  tousiours  espere  en  la  Loy  de  Dieu.  Or  maintenant  si  nous  regardons  a  nous,  combien  peu  en  trouvera-on  qui  ne  soyent  vaincus  pour  la  moinde  tentation  qui  leur  adviendra?  Il  ne  faut  sinon  qu'un  homme  se  vienne  dresser  contre  nous,  et  nous  voyla  desbauchez,  nous  ne  scavons  plus  que  c'est  de  Dieu.  Brief,  il  ne  faut  qu'une  mousche  qui  nous  voie  devant  les  yeux  (comme  on  dit)