5:575  ACTES  DE  RATISBONNE.  Apostres  il  y  eust  des  Docteurs  par  toutes  les  Eglises,  ayant  la  charge  de  prescher  l'Evangile,  lesquelz  il  suscite,  n'estans  pas  semblables  du  tout  aux  Apostres  en  dons,  neantmoins  ayant  un  mesme  office.  L'unite  donc  de  l'Eglise  consiste  en  telle  conionction,  soubz  un  chef  qui  est  Christ,  par  un  mesme  Evangile  et  un  mesme  ministere,  auquel  on  doit  obeissance:  comme  il  dict:  Qui  vous  escoute,  il  m'escoute  :  affin  que  par  ce  moyen  soit  entretenue  l'unite  de  la  foy,  l'usage  conforme  des  Sacremens  et  la  discipline  commandee  en  l'Evangile.  Car  les  Pasteurs  ont  mandement  de  Christ  non  seulement  de  prescher  l'Evangile  et  administrer  les  Sacremens,  mais  aussi  de  punir  les  Rebelles  par  excommunication:  a  scavoir  ceux  qui  sement  faulses  opinions  contre  la  saine  doctrine,  ou  ne  se  veulent  point  corriger  de  leur  mauvaise  vie.  Car  de  droict  divin  on  doit  obeir  aux  Pasteurs  en  telle  discipline.  Or  affin  que  toutes  choses  se  fissent  par  ordre  en  l'Eglise,  selon  la  reigle  de  S.  Paul  (1  Cor.  14,  40):  que  les  Pasteurs  fussent  mieux  conioinctz  ensemble:  affin  aussi  qu'ilz  peussent  partir  [fol.  761  leurs  charges,  et  que  les  uns  eussent  le  soing  des  aultres  :  ainsi  que  toutes  divisions  fussent  evitees:  on  a  faict  puis  apres  une  ordonnance  utile,  que  d'entre  tous  les  Prestres  d'une  Eglise,  il  y  en  eust  un  esleu  Evesque,  pour  gouverner  l'Eglise  en  preschant  l'Evangile  et  tenant  le  peuple  en  obeissance,  et  aussi  pour  avoir  superintendence  sur  les  aultres  prestres.  Depuis  on  a  faict  encores  d'aultres  degrez,  comme  des  Archevesques,  et  par  dessus  iceux  des  Patriarches:  lesquelz  estoyent,  l'Evesque  de  Rome,  d'Antioche,  et  d'Alexandrie.  Telles  ordonnances  sont  utiles  a  conserver  l'unite  de  l'Eglise,  si  ceux  qui  sont  en  telle  preeminence  font  leur  devoir:  a  scavoir  en  assemblant  les  Synodes,  pour  iuger  deuement  de  la  doctrine,  pour  corriger  les  vices  publiques,  comme  usure  et  aultres:  pour  faire  bonnes  ordonnances:  pour  punir  les  autheurs  de  scandales.  Cela  s'entend  tousiours,  si  les  Prelatz  servent  a  leur  vocation  enseignant,  faisant  visitation  pour  scavoir  quelle  doctrine  on  enseigne  en  leurs  Eveschez  et  quelles  sont  les  m  eurs  du  peuple,  en  corrigeant  les  mauvaises  opinions  et  les  vices,  exerceant  iurisdiction  spirituelle.  Car  nous  ne  pouvons  conceder  nulle  authorite  aux  Prelatz,  qui  repugnent  a.  la  saine  doctrine:  comme  il  est  escript  aux  Galatiens:  Si  quelqu'un  vous  annonce  etc.  Au  reste  quand  au  gouvernement  Ecclesiastique,  il  fault  laisser  puissance  aux  Evesques,  de  faire  ordonnances  a  ce,  que  tout  se  face  en  l'Eglise  honnestement,  et  avec  bon  ordre:  comme  de  constituer  des  festes,  affin  que  le  peuple  scache,  quand  il  se  devra  assembler.  Item,  qu'on  vienne  sobre  a  l'Eglise.  Mais  il  ne  fault  pas  qu'on  pense  que  telles  traditions  soyent  services  de  Dieu,  cV^t  a  dire,  merites