35:575  575  QUATRIEME  SERMON  576  Or  pour  conclusion  Ezechias  dit  Le  Seigneur  est  pour  me  sauver.  Ce  mot  emporte  qu'il  despite  et  reiette  tout  autre  salut,  comme  s'il  disoit,  il  n'y  a  que  Dieu.  Il  pouvoit  dire,  Le  Seigneur  m'a  sauve  :  il  pouvoit  dire,  Ie  tien  ma  vie  de  luy  et  de  sa  pure  grace,  mais  il  procede  plus  outre,  comme  s'il  vouloit  voi  maintenir  l'honneur  de  Dieu,  et  abbatre  toutes  les  fiances  que  les  hommes  concoy  vent  en  leur  fantasie  :  car  nous  avons  accoustume  de  faire  nos  discours,  quand  nous-nous  voulons  maintenir,  et  que  nous  cherchons  d'estre  asseurez,  nous  prendrons  ce  moyen-ci,  ce  moyen-la.  Or  Ezechias  renonce  a  tout,  et  declare  qu'il  n'y  a  que  Dieu,  et  que  c'est  la  qu'il  nous  faut  venir.  Il  est  vray  que  Dieu  nous  permettra  bien  d'user  de  tous  les  moyens  qu'il  nous  offre,  et  qu'il  a  ordonnez  a  tel  usage:  mais  cependant  si  ne  veut-il  pas  que  sa  gloire  nous  soit  obscurcie,  comme  aussi  ce  n'est  pas  raison.  Tout  y  a  neantmoins  que  les  hommes  sont  si  malins  et  si  pervers,  que  tousiours  ils  prendront  occasion  d'amoindrir  la  gloire  de  Dieu,  sous  ombre  qu'il  leo  aide  par  ses  creatures.  Si  Dieu  ne  se  contente  de  nous  faire  sentir  sa  vertu,  mais  qu'il  applique  toutes  ses  creatures  a  nostre  usage,  nous  devenons  estre  tant  plus  incitez  a  le  louer.  Mais  tout  au  rebours  nous  le  despouillons  de  son  droict,  nous  le  delaissons,  et  attachons  nostre  fiance  ca  et  la,  et  nous  semble  que  nostre  salut  procede  d'un  coste  et  d'autre.  Voyla  comme  Dieu  est  fraude  de  son  droict.  D'autant  plus  donc  nous  faut-il  bien  observer  ce  qui  est  yci  dit  par  Ezechias:  Le  Seigneur  est  pour  nous  sauver:  c'est  que  combien  que  Dieu  nous  tende  la  main,  et  nous  donne  de  quoy  pour  nous  maintenir,  nous  confessions  toutesfois  que  c'est  luy  qui  est  la  fontaine,  et  que  le  ruisceau  qui  descoule  iusques  a  nous  n'empesche  point  que  nous  ne  scaehions  d'ou  l'eau  vient.  Que  nous  tendions  donc  tousiours  a  ceste  source-la,  c'est  que  Dieu  soit  glorifie,  et  qu'il  demeure  en  son  entier:  et  puis  quand  nous  sommes  desnuez  de  tous  moyens,  que  nous  disions,  Le  Seigneur  luy  seul  y  suffira.  Et  voyla  aussi  pourquoy  David  dit,  La  misericorde  de  Dieu  vaut  mieux  que  toutes  vies.  Non  pas  que  la  vie  des  hommes  ne  soit  de  la  misericorde  de  Dieu,  mais  il  monstre  que  les  hommes  ne  doyvent  point  estre  attachez  yci  bas,  et  qu'ils  sont  abbrutis  quand  ils  se  cuident  preserver  ou  maintenir  et  garentir  par  ce  moyen-ci,  par  ce  moyen-la  :  et  qu'il  faut  qu'ils  preferent  a  tout  la  seule  bonte  de  Dieu,  et  qu'ils  acquiescent  en  icelle.  Ainsi  donc  voyci  un  mot  de  grande  doctrine,  moyennant  que  nous  en  scachions  faire  nostre  profit.  Que  donc  nous  ensuyvions  l'exemple  d'Ezechias:  et  quand  Dieu  nous  aura  secourus  au  besoin,  que  nous  luy  attri-