32:575  575  HUITIEME  SERMON  576  que  nous  prenions  et  cueillions  force  et  courage,  pour  surmonter  tous  les  scandales,  et  les  embusches  que  Satan  nous  mettra  au  devant,  pour  rompre  tous  les  liens  et  cordeaux  desquels  il  nous  tient  enserrez.  Voyla,  di-ie,  comme  il  nous  en  faut  faire.  Car  ne  pensons  point  que  David  ne  fust  homme  passible  comme  nous,  et  qu'il  ne  sentist  en  soy  de  grandes  infirmitez:  si  est-ce  qu'il  ne  proteste  point  cecy  en  vain,  quand  il  dit,  qu'il  s'est  haste,  qu'il  n'a  point  delayo  de  faire  les  commandemens  de  Dieu.  Et  ainsi,  a*  son  exemple,  hastons-nous  cependant  que  Dieu  parle,  d'avoir  l'aureille  dressee  pour  l'escouter,  et  le  pied  leve  pour  obeir  a  ce  qu'il  nous  dira.  Voyla  donc  ce  que  David  nous  a  voulu  monstrer  en*  ce  passage:  c'est  ascavoir,  la  promptitude  qui  doit  estre  en  tous  enfans  de  Dieu  d'escouter  sa  parole,  et  la  recevoir,  et  non  attendre  du  iour  au  lendemain  :  car  nous  ne  scavons  point  iusqu'a  quand  Dieu  nous  fera  la  grace  de  nous  presenter  sa  parole.  Ceux  qui  delayent  ainsi,  ils  font  leur  conte  que  Dieu  est  bien  oblige  et  tenu  de  les  attendre.  Or  nous  voyons  comme  il  se  moque  d'une  telle  arrogance  des  hommes,  quand  on  luy  demande  ainsi  terme.  Parquoy,  tant  plus  nous  faut-il  efforcer,  afin  de  parvenir  a  l'exemple  qui  nous  est  yci  monstre,  que  sans  delayer  nous  courions,  si  tost  que  Dieu  nous  aura  fait  mercy.  Or  il  s'ensuit  puis  apres,  que  David  ne  s'est  point  desbauche  par  les  iniures  qui  luy  ont  fait  les  meschans,  quand  ils  Tont  persecute,  par  toutes  les  fascheries  et  les  combats  qu'il  a  soustenu  :  Combien,  dit-il,  que  les  bandes  des  meschans  m'ayent  pille,  si  est-ce  que  ie  n'ay  point  mis  en  oubly  la  Loy  de  Dieu.  Cecy  n'est  point  adiouste  sans  cause.  Car  nous  en  verrons  beaucoup  qui  sont  assez  paisibles  et  moderez,  moyennant  qu'on  ne  les  fasche  point,  et  qu'on  les  laisse  suyvre  leur  train:  mais  s'il  leur  advient  quelque  trouble,  quvon  les  moleste,  alors  les  voyla  desbauchez,  ils  changent  de  propos  et  de  volonte,  ils  tournent  bride.  Ainsi  donc,  d'autant  que  les  hommes  sont  aisez  a  se  destourner  a  mal,  encores  qu'au  paravant  ils  ayent  suyvi  le  bien  :  voyla  pourquoy  il  nous  faut  bien  noter  ce  passage  que  David  adiouste.  Car  c'est  comme  pour  ratifier  ce  qu'il  avoit  dit,  de  la  promptitude  a  suyvre  ta  parole:  pource  que  ce  n'eust  point  este  assez  de  cela,  s'il  n'y  eust  tellement  este  conferme,  qu'encores  que  le  Diable  le  solicitast  a  luy  faire  perdre  courage,  qu'il  ne  fust  point  destitue  d'esperance,  iusques  a  tenir  tousiours  bon.  Et  c'est  ainsi  qu'il  nous  en  faut  faire.  Quand  donc  nostre  Seigneur  nous  aura  mis  au  chemin,  qu'il  nous  aura  donne  quelque  bon  mouvement,  prions-  le  qu'il  nous  conferme  tellement  en  cela,  que  quand  le  Diable  nous  viendra  assaillir,  nous  puissions  surmonter  tous  les  assauts  qui  nous  seront