7:574  linquet  homo  patrem  et  matrem  et  adhaerebit  uxori  suae,  et  erunt  duo  in  carne  una  (Gen.  2,  23).  Itaque  quum  patria  potestas  huic  inter  coniuges  coniunctioni  suo  iuril)  cedat,  audiendi  non  sunt,  qui  volunt  hoc  tempore  matrimonium  vel  sponsalia  contracta  scindi  et  irrita  esse,  si  parentum  consensus  non  accesserit  Nihil  hic  detrahimus  obedientiae,  quam  liberi  parentibus  debent,  sed  nolumus  parentes  in  impediendis  aut  dirimendis  matrimoniis  potestate  sua  abuti.  Quia  tamen  censemus  honestatis  esse,  ut  liberi  sine  consilio  et  consensu  parentum  non  contrahant,2)  huius  officii  sui  per  concionatores  sedulo  admonendi  sunt.  An  vero  parentibus  potestas  permitti  debeat  in  hoc  casu,  liberorum  inobedientiam  derogatione,  aut  saltem  diminutione  dotis,  aut  aliqua  alia  via  puniendi,  de  hac  re  ordinariae  potestati  cura  reliquenda  videtur.  De  sacrificio  missae.  [pag.  45]  Ut  religionem,  sine  qua  nulla  gens  vivit,  ius  naturae  introduxit,  sic  etiam  caeremonias,  sine  quibus  religio  coli  non  potest,  nec  solet.  In  ipsis  vero  caeremoniis  externam  oblationem,  velut  praecipuam,  omnes  omnium  saeculorum  gentes  observaverunt,  quae  etsi  (teste  Cypriano)  circumcisionem  velut  crudelem  et  naturae  inimicam  horruerunt,  non  tamen  similiter  repudiarunt  reliqua  sacrificia:  sed  in  multis  legem  naturae  sequentes,  expiationum  retinuerunt  instrumenta,  et  immolare  victimas,  et  incendere  adipes,  et  libaminibus  fundere  coram  Deo  vota  et  preces,  cultu  cum  ipsa  natura  hominibus  insito,  et  per  omnium  animos  divinitus  purgato,  perseveraverunt.  Sed  et  hoc  commune  et  omnium  animis  affixum,  omnes  gentes  tenuerunt,  ut  externae  oblationis  cultu,  vim  Deo  deberi  magno  consensu  existimarent.  Nemo  enim  externa  oblatione  colendum  unquam  censuit,  nisi  quem  Deum  esse  aut  scivit,  aut  putavit,  aut  finxit.  Huius  cultus  antiquitatem  duorum  fratrum  Cain  et  Abel  sacrificia  comprobant,  quorum  priorem  simul  et  munera  eius  aversatus  reprobavit  Deus,  minoris  vero  oblationem  placatus  aspexit.  Hunc  vero  sacrificandi  ritum  Deus,  volens  omnes  homines  salvos  fieri,  mentibus  hominum  hac  de  causa  divinitus  insevit.  Quum  enim  propter  unius  hominis  peccatum,  [pag.  46]  universum  genus  humanum  irae  Dei  et  iustae  damnationi  obnoxium  teneretur,  tantoque  gravior  et  periculosior  illis  damnatio  immineret,  quanto  magis  peccata  peccatis  accumulando  iustam  Dei  iram  contra  se  incitabant:  Deus  nolens  perire  quos  condiderat,  mediatorem  et  reconciliatorem  humano  generi  destinavit,  qui  nos  cum  autor  e  nostro  reconci-  1)  Lectio  haec  libris  Calvinianis  propria.  Edd.  authenticae  earumque  asseclae:  summo  iure.  2)  Adde  matrimonium,  cum  iisdem  testibus.