6:574  de  Dieu:  iamais  ilz  n'eussent  eu  le  courage  de  se  presenter  a,  la  mort,  pour  confesser  leur  Chrestiente  :  mais  plustost  se  fussent  laisse  induire  a  honorer  les  idoles.  Or  leur  constance  ne  nous  est  pas  recitee,  afin  que  nous  la  louyons  seulement:  mais  afin  qu'elle  nous  soit  pour  exemple:  et  que  nous  ne  renoncions  point  la  verite,  laquelle  ilz  ont  si  puissamment  maintenue:  que  nous  n'aneantissions  et  ne  corrompions  point  la  gloire  de  Dieu,  laquelle  ilz  ont  tant  estimee,  que  d'espandre  leur  sang  pour  la  seeller  et  confermer.  S'il  estoit  question  d'eschapper  par  feintise:  quand  on  nous  veut  faire  decliner  a  idolatrie;  il  n'estoit  ia  mestier  qu'ilz  s'exposassent  a  endurer  les  tourmens  qu'ilz  ont  endure.  Car  ilz  povoyent  adorer  Dieu  en  secret,  et  faire  semblant  d'adorer  les  idoles,  pour  contenter  leurs  persecuteurs.  Mais  ilz  [page  86]  nous  ont  monstre  que  Cela  n'est  que  moquerie,  de  pretendre  qu'on  donne  gloire  a  Dieu  de  cueur,  quand  on  trahit  sa  verite  devant  les  hommes,  et  qu'on  pollue  ainsi  son  honneur,  en  le  transferant  aux  idoles.l)  Et  certes  quand  tout  est  bien  pense,  ce  n'est  pas  une  petite  condamnation  sur  nous,  de  voir  un  tel  zele  et  si  ardent,  qu'ont  eu  le  temps  passe  les  sainctz  Martyrs,  au  pris  de  la  nonchalance  que  nous  monstrons.  Car  incontinent  qu'un  paovre  homme  de  ce  temps  la2)  avoit  seulement  quelque  petit  goust  de  la  vraye  congnoissance  de  Dieu,  il  ne  faisoit  nulle  difficulte  de  s'exposer  au  dangier  pour  la  confession  de  sa  foy.  Et  eust  mieux  ayme  d'estre  escorche  tout  vif,  que  de  se  contrefaire  iusques  la,  de  commettre  quelque  acte  exterieur  d'idolatrie.  Nous  qui  avons  si  ample  congnoissance,  laquelle  nous  devroit  enflamber,  sommes  plus  frois  que  glace.3)  Sur  cela  allons  nous  iustifier.  Mais  si  nous  le  faisons:  ce  sera  pour  amasser  plus  griefve  malediction,  et  provoquer  plus  asprement  [page  87]  l'ire  de  Dieu  sur  noz  testes.  Et  que  tous  y  pensent  bien,  chascun  pour  soy.  Or  comme  iusque  a  ceste  heure  i'ay  combatu  contre  ceux,  qui  pour  se  laver  et  iustifier  falsifiant  la  verite  de  Dieu,  ou  pour  amoindrir  leur  faute  deroguent  a  la  maieste  de  sa  parolle,  et  diminuent  l'auctorite  de  ses  commandemens,  ou  qui  par  vaines  couleurs  se  veulent  excuser  a  ce  qu'il  leur  soit  loisible  de  mal  faire  sans  qu'on  les  reprenne:  aussi  d'autrepart  c'est  bien  raison  de  prevenir  la  demande  que  pourront  faire  plusieurs  bons  personnages  et  craignans  Dieu:  assavoir  si  ie  condamne  et  reprouve  tous  les  fideles  qui  sont  dispersez  par  la  France,  par  1)  en  le  transferant  aux  idoles,  manque  dans  le  latin.  2)  quispiam  alioqui  rudis  et  imperitus.  S)  Nos  qui  tam  ampla  cognitione  sumus  illustrati,  frigidiores  sumus  glacie.