5:574  et  plusieurs  sont  fort  dangereuses  :  comme  d'interdire  a  un  adultere  la  compaignie  de  sa  femme  par  longues  annees.  Il  semble  que  les  Evesques  anciens  ayent  este  plus  severes  en  cest  endroit  a  cause  que  les  magistratz  payens  ne  punissoyent  point  les  paillardises,  et  aultres  dissolutions.  Mais  il  fault  admonester  les  Magistratz,  de  punir  les  faultes  manifestes.  Ceste  severite  sera  plus  profitable  aux  meurs  que  les  satisfactions  canoniques,  et  y  a  tousiours  dangier  de  mesler  l'office  de  la  puissance  politicque  avec  le  ministere  de  l'Evangile.  Le  ministre  enseigne  de  la  vraye  penitence  du  coeur,  il  console  les  consciences  espouvantees,  il  remonstre  que  non  point  pour  la  recompense  des  peines  que  nous  endurions,  mais  pour  l'amour  de  Christ,  nous  sommes  delivrez  de  peche  et  de  mort  eternelle.  Comme  il  est  escript:  II  a  emmene  la  captivite  captive.  Item:  O  mort,  ie  seray  ta  mort:  ie  seray  ta  morsure,  enfer.  Et  ne  fault,  qu'il  mette  ceste  fantasie  en  avant,  que  la  remission  soit  faicte  pour  quelque  recompense  des  peinps  qu'on  nous  imposeroit.  Cependant  que  le  Magistrat  veille  diligemment  et  face  son  office,  lequel  doit  estre  discerne  du  ministere  spirituel  et  Evangelioque.  Parquoy  en  noz  Eglises  on  exhorte  les  Magistratz  politicques  de  faire  leur  office  et  conserver  la  discipline.  De  l'unite  de  l'Eglise  et  de  Tordre  des  Ministres.l)  [fol.  75]  Comme  sainct  Iehan  dit,  que  nous  avons  tous  receu  grace  de  la  plenitude  de  Christ:  aussi  il  y  a  une  Eglise  sanctifiee  et  assemblee  par  le  Filz  de  Dieu,  qui  en  est  le  chef,  parfaisant  toutes  choses  en  tous:  assemblee,  dis-ie,  en  la  congnoissance  de  l'Evangile  :  et  par  le  sainct  Esprit  des  le  commencement,  depuis  les  Peres  et  Prophetes,  iusques  aux  Apostres  et  aultres  Sainctz,  laquelle  sera  glorifiee  au  dernier  iugement.  Affin  donc  qu'il  y  ayt  une  seule  Eglise  en  bon  accord,  Dieu  a  voulu,  qu'il  y  ayt  tousiours  eu  un  mesme  Evangile  publie:  au  commencement  par  les  Peres  et  Prophetes:  depuis  par  Christ  et  ses  Apostres.  Et  Christ  a  institue  le  ministere,  pour  durer  iusques  a  la  fin  du  monde:  comme  il  est  escript:  Quand  il  est  monte  il  a  distribue  dons  aux  hommes,  et  a  constitue  les  uns  Apostres,  les  aultres  Pasteurs,  les  aultres  Docteurs,  car  cela  est  pour  conserver  l'Evangile  en  terre.  Ainsi  il  a  voulu  que  apres  les  1)  Lettre  E.  Nous  n'avons  pas  trouve  le  signe  correspondant  dans  Ies  notes  margmales  du  document  precedent.  Cependant  ia  presente  replique  se  rapporte  evidemment  auparagraphe  relatif  a  V  Ordre  hterewchique  de  V  eglise*  ci-dessus  page  545.