48:574  vero  demum  erigi  inter  ipsos  Dei  regnum  et  florere,  ubi  mediator  Christus,  et  gratuita  peccatorum  remissione  donatos,  et  regenitos  in  iustitiam  patri  coniungit,  ut  coelestem  vitam  in  terra  inchoantes  ad  coelum  semper  adspirent,  ubi  plena  et  solida  gloriae  fruitio  illis  constabit.  Singulare  etiam  Dei  beneficium  praedicat  Lucas,  quod  tanta  Paulo  libertas  concessa  fuit.  Neque  enim  conniventia  id,  vel  dissimulatione  eorum  qui  obstare  poterant,  accidit,  quum  illis  detestabilis  esset  religio:  sed  quia  oculos  illis  Dominus  claudebat.  Quare  non  immerito  gloriatur  Paulus  ipse,  verbum  Dei  non  fuisse  vinculis  suis  alligatum  (2.  Tim.  2,  9).