40:574  19.  Tunc  Danieli  in  visione  noctis  arcanum  pates  actum  est:  tunc  Daniel  benedixit  Deum  coeli.  Hic  colligi  potest,  Danielem  non  vacillasse,  neque  dubio  animo  fuisse  precatum  cum  sociis.  Nam  illa  Iacobi  sententia  nobis  in  memoriam  venire  debet,  nempe,  Qui  haesitant,  et  trepidant,  et  cum  diffidentia  Deum  precantur,  indignos  esse,  qui  exaudiantur:  Non  existimet,  inquit  Iacobus  (1,  7),  talis  homo  quod  quidquam  impetret  a  Domino  si  agitatur  varie  quasi  fluctus  maris.  Quod  ergo  Deus  propitium  se  ostendit  precibus  Danielis,  hinc  apparet  precatum  fuisse  vera  fiducia,  quia  scilicet  certo  persuasus  fuerit  vitam  suam  curae  esse  Deo:  deinde  etiam  senserit  Deum  non  frustra  vexare  animum  regis  Nebuchadnezer,  sed  aliquod  insigne  et  memorabile  iudicium  praeparasse.  Quoniam  ergo  Daniel  hac  persuasione  imbutus  est,  ideo  concipit  certam  fidem  et  precatur  Deum  ac  si  iam  impetrasset.  Ex  opposito  autem  videmus  Deum  nunquam  habere  clausas  aures,  ubi  rite  et  ex  animo  invocatur:  quemadmodum  etiam  dicitur  in  Psalmo  (145,  18),  Ipsum  esse  propinquum  omnibus  qui  eum  invocant,  sed  in  veritate.  Non  potest  autem  esse  veritas  ubi  deest  fides.  Sed  quoniam  Daniel  ad  precandum  et  fidem  attulit  et  sinceritatem,  ideo  protinus  exauditus  est,  atque  in  visione  noctis  patefactum  fuit  arcanum  de  somnio.  Non  possem  nunc  ulterius  progredi.  20.  Loquutus  est  Daniel  (respondit,  ad  verbum)  et  dixit,  Sit  nomen  Dei  benedictum  a  saeculo  et  in  saeculum:  eius  est  sapientia,  et  robur  ipsius  (sunt  tres  particulae  supervacuae  :  in  sensu  nihil  est  obscurum).  Prosequitur  hic  Daniel  narrationem  suam,  quod  scilicet  gratias  egerit  Deo  postquam  patefac-  '  tum  ei  fuit  somnium  regis  Nebuchadnezer:  et  summam  verborum  quibus  usus  est,  refert:  Sit  nomen  Dei  benedictum  j  inquit,  a  saeculo  et  in  saeculum.  Hoc  quidem  quotidie  nobis  optandum  est:  et  quum  precamur  ut  sanctificetur  nomen  Dei,  perpetuitas  notatur  sub  illa  precandi  forma:  sed  Daniel  hic  maiore  vehementia  prorumpit  in  laudes  Dei,  quia  agnoscit  singulare  eius  beneficium,  quod  ereptus  fuerit  a  morte  praeter  spem  cum  sociis  suis.  Ubi  autem  Deus  praeclarum  aliquod  beneficium  confert  in  servos  suos,  magis  incitantur  ad  eum  laudandum,  sicuti  loquitur  David  (Ps.  40,  4),  Dedisti  in  os  meum  canticum  novum.  Et  Isaias  etiam  bis  utitur  hac  loquutione,  Quod  Deus  materiam  novi  et  insoliti  cantici  dederit,  quia  mirabiliter  egit  cum  ecclesia  sua.  Sic  etiam  non  dubium  est  quin  Daniel  hic  extraordinario  modo  voluerit  laudare  Deum,  quia