32:574  les  tesmoignages  de  Dieu,  voyla  sa  verite  qu'il  nous  declare  :  il  faut  se  ranger  la.  Il  n'est  plus  question  d'oresenavant  de  vaguer  plus,  et  faire  des  discours  pour  dire:  Pourquoy  cecy  ne  sera-il  bon  et  louable?  Nenny,  ne  suyvons  pas  nos  fantasies  propres,  ne  soyons  pas  sages  en  nous  mesmes:  mais  advisons  d'escouter  nostre  Dieu  et  de  luy  obeir.  Voyla  donc  le  contenu  de  ce  troisieme  verset,  ou  il  est  dit,  Que  David  a  prins  garde  a  ses  voyes,  et  qu'il  a  tourne  ses  pieds  aux  tesmoignages  de  Dieu:  c'est  a  dire,  a  la  Loy,  ou  Dieu  a  declare  sa  volonte.  Or  il  adiouste,  Qu'il  sJest  haste,  et  n'a  point  delaye  de  garder  les  commandemens  de  Dieu.  Il  continue  son  propos:  mais  il  monstre  que  ceste  affection  qu'il  a  eu  n'a  point  este  tardive.  Ie  me  suis  haste  (dit-il)  voire  sans  delay.  Or  ce  n'est  point  sans  cause  que  David  adiouste  cecy:  car  nous  voyons  combien  il  nous  faut  barguigner  contre  nos  appetis  i  ie  dy  mesme  ceux  qui  sont  bien  affectionnez  a  servir  Dieu,  qu'encores  ils  y  viennent  comme  en  clochant,  ils  trainent  une  aile  ou  une  iambe,  ainsi  qu'on  dit.  Et  qui  est  cause  de  cela?  nous  portons  tant  de  corruptions  avec  nous,  que  la  pesanteur  nous  retarde  tant  et  plus,  en  sorte  qu'il  nous  est  bien  difficile  de  marcher.  Et  nous  voyons  et  experimentons  par  trop,  quelle  est  nostre  foiblese  de  nature,  quand  il  est  question  de  nous  adonner  au  bien.  Cognoissons  donc  ces  deux  choses-la,  et  nous  ne  trouverons  point  estrange,  que  nous  soyons  si  tardifs  a  suyvre  Dieu:  ces  deux  choses  (di-ie).  Que  voyla  Satan  qui  ne  cessera  de  machiner  tout  ce  qui  luy  sera  possible  pour  nous  divertir,  il  nous  viendra  mettre  des  barres  au  devant,  il  nous  empeschera  le  chemin  par  hay  es,  roncesf  espines  et  toutes  mauvaises  rencontres:  que  s'il  est  question  seulement  de  marcher  trois  pas,  ii  nous  faudra  estre  transportez  bien  loin,  tellement  que  nous  tournions  d'un  coste  et  d'autre,  ne  scachans  que  devenir.  D'autre-part,  nous  serons  solicitez  par  nos  appetits  desordonnez  pour  tirer  tout  au  rebours.  Comme,  si  nous  voulions  nous  fier  pleinement  en  Dieu,  le  Diable  nous  viendra  soliciter  a  la  traverse,  de  nous  adonner  aux  biens  de  ce  monde.  Et  ainsi  de  tout  le  reste.  Voyans  donc  que  nous  trainons  tant  de  cordeaux  apres  nous,  et  cependant  sommes  tant  debiles  a  bien,  brusians  apres  le  mai:  helas,  ne  nous  esbahissons  point,  si  nous  sommes  tardifs  a  suyvre  Dieu.  Mais  tant  y  a  neantmoins,  qu'il  faut  batailler.  Il  n'est  pas  question  que  les  hommes  se  flattent  quand  ils  voyent  une  telle  tardivete  en  eux,  et  qu'ils  disent,  Et  bien,  nostre  naturel  le  porte,  et  nos  infirmitez  sont  si  grandes,  que  c'est  bien  chose  trop  haute  pour  l'homme  de  s'acquiter  comme  il  doit.  O!  ne  nous  fondons  point  la  dessus,  mais  bataillons  contre  nos  vices,  et  puis,