7:573  573  INTERIM.  574  inter  coniuges  scindit,  vinculum  coniugii  non  solvit,  ita  ut  adulterium  committat,  ut1)  alienam  contrectans  uxorem,  quisquis  sic  dimissam  duxerit  Quoniam  igitur  Christus  matrimonium  gratia  sua  melius  fecit,  et  arctiori  quasi  vinculo  constrinxit,  ut  quemadmodum  Christus  unius  ecclesiae  unus  est  sponsus,  idque  indissolubili  nexu,  sic  unius  uxoris  unus  sit  maritus,  idque  perpetua  coniunctione,  et  similiter  atque  Christus  cum  ecclesia  sponsa  sua  perpetuo  iungitur:  quare  matrimonium  non  solum  coniunctio  est  maris  atque  foeminae,  sed  etiam  sacramentum,  ob  gratiam  Christi,  quae  ei  nunquam  deest:  ut  quum  vir  uxorem  suam  diligere  possit,  perinde  quasi  Christus  ecclesiam  (Ephes.  5,  25),  sic  ille  cum  hac  colat  societatem  individuam,  ut  una  sit  in  perpetuum  contentus.  Nec  cum  hac  invita  divortium  faciat,  exceptis  causis  quae  iure  divino  explicantur.  [pag.  43]  Ac  quoniam  Deus  fovet  matrimonium  gratia  sua,  idemque  approbat,  quatenus  coniuges  inter  se  matrimonium  contrahunt,  signum  datur  illustre,  ad  sperandum,2)  consuetudinem  ipsorum  quum  bonam  esse  per  se,  tum  Deo  gratam.  Et  quanquam  prolis  procreandae  causa  matrimonium  potissimum  contrahi  debet,  tamen  qui  contrahit  etiam  fornicationis  vitandae  causa  non  peccat.  Habeat  enim  unusquisque  uxorem  suam  propter  fornicationem,  inquit  Paulus  (1  Cor.  7,  2).  Vis  igitur  sacramenti  huius  est,  ut  intelligant  coniuges,  se  non  humana  sed  divina  'autoritate  coniunctos  gratiam  accepisse,  qua  ipsis  legitimus  congressus  non  imputetur  ad  culpam:  qua  item  Christianus  uxorem  gentilem,  cum  eo  manere  volentem,  sanctificet  (1  Cor.  7,  12),  et  sanctos,  hoc  est,  Deo  dicatos  filios  procreet:  qua  denique  perpetuam  fidem  coniugi  servet,  ut  sint  duo  in  carne  una:  et  qua  mulier  fidelis  salva  fiat  in  procreatione  filiorum,  si  permanserit  in  fide  et  dilectione  et  sanctificatione  cum  sobrietate  (1  Tim.  2,  15).  Itaque  matrimonium  honorabile,  in  eoque  thorus  immaculatus  esse  potest  (Hebr.  13,  4).  Quod  quum  Manichaei,  Tatiani  et  Encratitae  ignorarent,  matrimonium  reprehendere  non  dubitarunt:  quam  eorum  sceleratam  temeritatem,  a  doctrina  daemoniorum  profectam,  apostolus  Paulus  damnat  (1  Tim.  4,  1).  Ac  quoniam  vinculum  matrimonii  tale  [pag.  44]  est  omnino,  tantamque  vim  habet  ad  coniungendum,  ut  non  sit  ullum  coniunctionis  humanae  vinculum  quod  magis  constringat:  quod  quum  agnosceret  Adam  in  paradiso,  sic  de  muliere,  quam  Deus  e  costa  corporis  ipsius  aedificaverat,  loquutus  est:  Hoc  nunc  os  de  ossibus  meis,  et  caro  de  carne  mea:  ob  hoc  vocabitur  virago,  quoniam  de  viro  sumpta  est.  Quamobrem  re-  1)  velut  eaedem  exhibent  omnes.  2)  Sic  omnino  legendum  cum  iisdem.  Edd.  Caivmianae  omnes,  praeter  illam  quam  germanicam  dicimus:  ad  sperandam  consuetudinem,  sine  distinctione.