5:573  ACTES  DE  RATISBONNE.  son  Nom.  Mais  telles  peines  ne  se  peuvent  imposer  ne  remettre  par  les  clefz,  [fol.  73]  ne  eviter  par  aucunes  Ceremonies  ordonnees  des  hommes,  comme  sont  les  satisfactions  canonicques.  D'avantage  telles  afflictions  envoyees  de  Dieu  sont  exercices  continuelz,  et  regardans  le  temps  advenir,  comme  dict  sainct  Paul  (2  Cor.  4,  IG):  Nostre  homme  exterieur  est  corrumpu,  mais  l'interieur  est  renouvelle  de  iour  en  iour.  Or  ceux  qui  requierent  les  satisfactions,  entendent  que  ce  soyent  peines  pour  les  faultes  passees.  Il  seroit  plus  utile  de  bien  imprimer  au  peuple  doctrine  de  ces  choses  grandes:  a  scavoir  de  l'ire  de  Dieu  contre  le  peche,  des  calamitez  de  l'Eglise,  du  vray  service  que  Dieu  requiert  en  telles  calamitez  pour  estre  honore:  et  par  lequel  il  nous  admoneste  de  profiter  en  la  crainte  de  son  Nom,  en  foy,  en  oraisons,  en  prieres  et  aultres  vertus:  que  de  mettre  devant  les  yeulx  du  peuple  des  spectacles  dc  satisfaction,  qui  ne  font  que  obscurcir  la  doctrine  de  la  grace  et  du  vray  service  de  Dieu.  Car  nous  aussi  sentons,  et  diligemment  enseignons,  que  les  fruictz  de  penitence:  c'est  a  dire,  nouveaulte  de  vie  ou  obeissance  spirituelle,  doyvent  selon  le  commandement  de  Dieu,  suyvre  la  conversion.  Et  quand  sainct  Paul  dict  (E  om.  12,  1)  que  nous  presentions  noz  corps  hosties  vives  et  sainctes;  par  ce  mot  d'hostie,  il  nous  admoneste  de  la  droicte  maniere  de  servir  Dieu.  Que  nous  soyons  donc  vrayes  hosties:  c'est  a  dire  nous  abstenans  de  toute  immundicite,  et  portant  patiemment  les  miseres  qui  nous  adviendront,  tant  pour  la  confession  de  la  verite,  que  les  aultres  communes:  ainsi  que  des  hosties  qu'on  tue:  toutesfoys  que  nous  soyons  hosties  vives:  c'est  a  dire  vivans  a  perpetuite  et  celebrans  le  Nom  de  Dieu,  mesme  au  milieu  de  la  mort.  Voila  les  vrays  fruictz  de  penitence,  et  les  vrays  exercices,  pour  arracher  les  racines  de  peche,  comme  dit  S.  Augustin.  Nous  adioustons  aussi  ce  poinct,  que  les  adversitez  d'un  chascun,  of  de,toute  l'Eglise,  sont  adoulcies  par  penitence  et  bonnes  oeuvres  des  fideles,  comme  il  est  escript  en  Esaie.  Et  sainct  Paul  dict:  Si  nous  faisions  iugement  de  nous:  Dieu  ne  nous  puniroit  point.  Mais  il  [fol.  74]  fault  entendre  cela  de  toute  la  penitence,  non  point  des  ceremonies  des  satisfactions:  lesquelles  on  dict  estre  de  valeur,  mesmes  aux  iniques.  Au  reste  nous  ne  nions  point  cela  que  l'Eglise,  pour  exemple  ou  pour  discipline,  ne  puisse  chastier  de  quelque  peine,  ceux  qui  auront  failly  avec  scandale.  Et  de  faict,  nous  observons  cela  en  noz  Eglises:  s'il  est  question  de  recevoir  des  Anabaptistes  ou  des  homicides,  auxquelz  le  magistrat  a  faict  grace.  Toutesfoys  il  n'est  ia  mestier  de  remettre  en  usage  les  ceremonies  anciennes  de  penitence,  lesquelles  sont  creues,  et  ont  este  multipliees  par  faulses  opinions,