35:573  573  SUR  LE  CANTIQUE  D'EZECHIAS.  574  qu'Ezechias  demourast  la  confus.  Ainsi  ce  n'est  point  sans  cause  qu'il  dit  que  les  trespassez  n'attendent  point  la  verite  de  Dieu:  c'est  a  dire  qu'ils  sont  du  tout  forclos  de  ses  promesses,  tellement  qu'ils  ne  sont  plus  du  nombre  de  ses  enfans.  Mais  maintenant  il  dit  que  les  vivans  qui  goustent  la  bonte  de  Dieu,  feront  sentir  a  leurs  enfans  sa  verite.  Or  yci  nous  voyons  derechef  comment  Dieu  sera  deuement  loue  et  prise  entre  nous,  c'est  ascavoir  quand  on  cognoistra  qu'il  est  fidele  a  tous  les  siens,  que  iamais  il  ne  les  delaisse,  mais  que  son  secours  leur  est  appareille  en  la  necessite,  et  qu'ils  ne  seront  iamais  frustrez  s'appuyans  sur  luy.  Voila  donc  la  vraye  matiere  des  louanges  de  Dieu.  Ainsi  en  somme  nous  voyons  qu'il  n'y  a  que  faussete  et  mensonge  quand  les  hommes  prieront  Dieu,  ou  qu'ils  feront  semblant  de  luy  faire  action  de  graces,  et  cependant  ne  seront  point  enseignez  de  l'amour  qu'il  leur  porte,  ne  seront  point  certifiez  de  leur  salut,  et  ne  cognoistront  nulle  promesse.  Quand  donc  cela  n'y  sera  point,  il  est  certain  que  ce  n'est  que  vent  et  fumee  de  toutes  les  louanges  de  Dieu  qui  pourront  resonner  en  la  bouche  des  hommes.  Voulons-nous  donc  louer  Dieu  comme  il  appartient,  en  sorte  qu'il  approuve  les  Sacrifices  que  nous  luy  offrirons  des  louanges  et  d'actions  de  graces?  Que  nous  profitions  en  sa  Parole,  que  nous  scachions  que  c'est  de  se  fier  en  luy:  ce  que  nous  ne  pouvons  pas,  iusques  a  ce  qu'il  nous  ait  declare  sa  bonne  volonte,  qu'il  nous  ait  certifiez  qu'il  nous  recoit,  que  nous  avons  acces  a  luy,  et  que  iamais  nous  ne  serons  abandonnez,  moyennant  que  nous  y  ayons  nostre  recours.  Si  nous  n'avons  une  telle  instruction,  nous  ne  pourrons  iamais  prononcer  un  seul  mot  des  louanges  de  Dieu  comme  il  est  requis.  Voila  a  quoy  se  doit  rapporter  ce  que  dit  yci  Ezechias,  Que  le  pere  notifiera  a  ses  enfans  la  verite  de  Dieu.  Et  au  reste,  comme  il  a  dit  que  les  trespassez  ne  s'y  peuvent  attendre,  n'y  avoir  leur  appuy,  cognoissons  que  d'autant  que  Dieu  se  declare  propice  et  liberal  envers  nous,  que  c'est  pour  tousiours  mieux  confermer  nostre  esperance,  afin  que  nous  prenions  tant  meilleur  courage  de  recourir  a  luy,  et  ne  douter  point  que  tousiours  il  n'ait  la  main  preste  pour  nous  aider  au  besoin.  Comment  donc  est-ce  que  nous  userons  des  graces  de  Dieu  selon  qu'il  appartient?  C'est  quand  nous  serons  tousiours  confermez  de  plus  en  plus  en  la  foy,  quand  nous  pourrons  despiter  toutes  tentations,  quand  nous  pourrons  nous  resoudre  qu'en  invoquant  Dieu  nous  ne  devons  nullement  craindre  de  perdre  nostre  peine,  pource  que  iamais  nostre  esperance  ne  sera  confuse.  Quand  donc  nous  serons  bien  resolus  en  cela,  tellement  que  nous  puissions  batailler  contre  Satan  pour  repousser  toutes  tentations,  voyla  comme  nous  scaurons  prudemment  appliquer  les  benefices