32:573  573  SUR  LE  PSEAUME  CXIX.  574  nous  a  promis:  car  nous  le  tenons  comme  oblige:  non  pas  qu'il  nous  doyve  rien:  mais  pource  que  de  sa  pure  liberalite  il  descend  iusques  la,  de  nous  declarer  qu'il  veut  que  nous  ayons  ceste  liberte  et  licence  de  nous  presenter  ainsi  a  luy,  avec  telle  hardiesse  et  certitude,  comme  i'ay  desia  declare.  Voyla  quant  au  second  verset.  Or  au  troisieme  David  adiouste:  Tay  pense  a  mes  voyes,  et  ay  tourne  mes  pieds  vers  tes  tesmoignages.  Ceste  protestation-cy  est  bien  a  noter  :  car  nous  sommes  advertis,  pourquoy  c'est  que  les  hommes  se  plaisent  tant  en  leurs  folies  et  en  leurs  inventions,  qu'ils  se  font  accroire,  qu'ils  feront  oraison  a  Dieu,  combien  qu'ils  ne  soyent  point  appuyez  sur  luy,  qu'ils  ne  s'y  asseurent  point,  qu'ils  ne  suyvent  pas  ce  qu'il  leur  commande,  mais  ce  qu'ils  ont  imagine.  Voire  tellement,  qu'il  leur  semblera  qu'on  leur  fait  grand  tort  si  on  dit,  que  c'est  temps  perdu  de  ce  qu'ils  font:  et  qu'ils  se  pourront  beaucoup  tormenter  sans  propos,  sinon  qu'ils  cognoissent  comment  Dieu  les  veut  exaucer.  Il  est  vray  que  chacun  dira,  Et  comment?  Pourquoy  est-ce  que  Dieu  ne  trouvera  bon  ce  que  ie  fay,  veu  que  mon  intention  finale  est  de  le  servir?  mais  cependant  Dieu  reiette  tout  cela.  Et  qui  est  cause  d'une  telle  arrogance,  que  les  hommes  viennent  ainsi  heurter  contre  Dieu?  c'est  pource  qu'ils  ne  pensent  point  a  leurs  voyes  :  car  s'ils  avoyent  cest  advis  et  prudence  de  regarder  a  eux  de  pres,  et  de  penser,  Comment  doy-ie  faire?  ou  en  suis-ie?  Il  ne  faut  pas  que  ie  chemine  a  l'esgaree,  sans  que  ie  tienne  un  train  certain,  et  quelque  bon  moyen,  et  que  i'advise  comment  i'ay  a  vivre:  et  sur  tout,  il  faut  tant  faire,  que  iamais  Dieu  ne  soit  frustre  *de  la  maistrise  qu'il  a  sur  tous  les  siens.  Ainsi  donc,  quand  les  hommes  prendront'  bien  garde  a  leurs  voyes,  il  est  certain  qu'ils  s'adonneront  pleinement  a  suyvre  la  parole  de  Dieu,  et  y  auront  toute  leur  resiouissance.  C'est  pourquoy  il  dit  a  l'opposite,  qu'il  tournera  ses  pieds  aux  tesmoignages  de  Dieu.  En  quoy  il  monstre  a  tous  par  son  exemple,  qu'ils  ayent  a  cheminer  ainsi  que  Dieu  commande,  et  non  point  se  gouverner  selon  leur  teste  et  selon  leur  cerveau.  Car  voyla  d'ou  vient  ceste  rage,  qui  possede  quasi  tout  le  monde,  qu'un  chacun  veut  servir  Dieu  selon  que  bon  luy  semble:  c'est,  que  nous  ne  tournons  point  nos  pieds  vers  ses  tesmoignages.  Or  d'autant  plus  devons-nous  bien  prattiquer  ce  qui  est  yci  monstre,  ascavoir,  de  regarder  a  nos  voyes:  que  nous  scachions,  quand  Dieu  nous  a  mis  ea  ce  monde,  que  ce  n'est  pas  pour  nous  laisser  faire  tout  ce  que  nostre  sens  nous  met  en  avant:  mais  qu'il  faut  que  nostre  vie  soit  reglee.  Et  d'ou  prendrons-nous  ceste  regle?  de  la  parole  de  Dieu.  Et  quand  nous  serons  ainsi  songneux  de  regler  nostre  vie,  il  ne  restera  plus  sinon  de  suyvre  ou  Dieu  nous  appelle.  Voyla