7:572  societatem  coniungerentur,  iuxta  verbum  Domini:  Quamobrem  homo  relinquet  patrem  et  matrem,  et  adhaerebit  uxori  suae,  et  erunt  duo  in  carne  una  (Matth.  19,  5).  Quanquam  autem  matrimonium  ad  tam  arctam  hominum  societatem  institutum  erat,  tamen  sub  lege  patrum  matrimonia  a  prima  institutione  duobus  modis  degeneraverunt:  videlicet,  ut  et  unus  plures  uxores  duceret,  et  ductam  aliquando  dato  libello  repudii  a  se  dimitteret:  quorum  prius  ex  dispensatione  Dei  permissum,  futuri  temporis  mysterio  serviebat,  ut  per  plures  unius  viri  uxores  insinuaret,  Christum  tam  ex  synagoga,  quam  ex  multitudine  gentium,  ecclesiam  sibi  collecturum,  et  sponsam  sibi  adiuncturum:  et  ut  foecunditate  plurium  uxorum,  Christo  salvatori  ex  eodem  semine  nascituro  servirent.  Repudium  vero  [pag.  41]  Moy  ses  populo  ob  duritiam  cordis  permisit  (Deut.  24,  1;  Matth.  19,  8),  levius  ducens,  uxorem  a  viro  odio  habitam  dimitti,  quam  occidi,  ul  caede  eius  novis  nuptiis  locum  aperiret.  Verum  postquam  plenitudo  gratiae  Deil)  venit,  ut  alia,  quae  vel  in  coelo  vel  in  terra  essent,  restauravit  Christus,  sic  etiam  matrimonium  restituit.  Hinc  illud  Christi:  Qui  fecit  hominem  ab  initio,  masculum  et  foeminam  fecit  eos  Deus,'2)  et  dixit:  Propter  hoc  dimittet  homo  patrem  et  matrem,  et  adhaerebit  uxori  suae  et  erunt  duo  in  carne  una.  Itaque  iam  non  sunt  duo,  sed  una  caro.  Quos  igitur  Deus  coniunxit,  homo  non  separet.  Et  paulo  post:  Moy  ses  ob  duritiam  cordis  vestri  permisit  vobis  dimittere  uxores  vestras,  ab  initio  autem  non  fuit  sic.  Quamobrem  quicunque  dimittit  uxorem  suam,  nisi  ob  fornicationem,  et  aliam  duxerit,  moechaUir.  Quod  apostolus  interpretatur,  quum  ait:  Iis  qui  matrimonio  iuncti  sunt  praecipio,  non  ego,  sed  Dominus,  uxorem  a  viro  non  discedere:  quod  si  discesserit,  manere  innuptam,  aut  viro  suo  reconciliari  (1  Cor.  7,  10).  Hae  itaque  christiani  matrimonii  singulares  conditiones,  manifestis  scripturae  sanctae  testimoniis  comprobantur.  Una,  ut  sit  matrimonium  duorum  tantum,  hoc  est,  viri  unius  cum  una  muliere  coniunctio,  Duo,  in*  quit,  erunt  in  carne  una.  Nec  sic  iunctis  liceat,  defraudato  coniuge  suo,  alicui  tertio  corporis  [pag.  42]  sui  potestatem  permittere,  prohibente  apostolo  et  dicente:  Mulier  potestatem  corporis  sui  non  habet,  sed  vir  :  similiter  et  vir  non  habet  potestatem  sui  corporis,  sed  mulier  (1  Cor.  7,  4).  Altera  conditio  est  ut  vinculum  coniugii  inter  duos  semel  colligatum  nullo  amplius  divortio  sed  sola  alterutrius  morte  dissolvatur.  Nam  quod  Christus  ob  fornicationem  dimitti  posse  uxorem  insinuat,  haec  separatio  thori  et  mensae  consuetudinem  1)  Dei  omitt.  edd.  authenticae  et  quae  easdem  sequi  solent.  2)  Deus  om.  eaedem.