35:572  templions  point  sa  bonte.  Car  nous  profanons  tout  ce  qui  estoit  dedie  a  nostre  usage  et  a  nostre  salut,  sinon  que  nous  soyons  amenez  a  ceste  fin,  c'est  ascavoir  de  conclure  que  Dieu  vrayement  se  monstre  pere  envers  nous,  et  qu'il  nous  attire  par  toute  douceur  a  luy,  afin  que  nous  ne  doutions  pas  qu'il  ne  nous  tiene  pour  ses  enfans.  Et  en  cela  aussi  voyons-nous  combien  la  condition  des  Papistes  est  miserable:  car  ils  ne  veulent  pas  mesmes  s'asseurer  de  la  bonte  de  Dieu,  mais  disent  que  tousiours  il  nous  faut  estre  en  doute.  Et  ainsi  tout  ce  qu'ils  prient,  et  ce  qu'ils  rendent  d'action  de  graces  a  Dieu,  n'est  qu'autant  d'hypocrisie  et  de  fiction.  Car  nous  ne  pouvons  invoquer  Dieu  qu'en  fiance,  nous  ne  pouvons  aussi  louer  son  Nom,  sinon  en  le  cognoissant  estre  favorable  envers  nous.  Or  ceuxla  en  sont  du  tout  exclus.  Apprenons  donc  que  iamais  nous  ne  pourrons  offrir  a  Dieu  un  sacrifice  de  louange  qu'il  estime  et  prise,  ou  que  iamais  aussi  nous  ne  pourrons  tendre  au  droit  but  de  nostre  vie,  sinon  que  nous  soyons  persuadez  de  sa  bonte.  Et  ainsi,  toutes  fois  et  quantes  que  nous  pensons  a  toutes  les  graces  et  benefices  de  Dieu,  que  ceci  nous  viene  en  memoire,  que  Dieu  nous  conferme  et  ratifie  son  adoption,  afin  que  nous  ne  doutions  point  qu'il  ne  nous  tiene  comme  ses  enfans,  et  que  nous  ne  puissions  librement  l'invoquer  comme  nostre  pere.  Voyla  en  somme  ce  que  nous  avons  a  retenir  de  ce  passage.  Or  maintenant  il  nous  faut  aussi  noter  ce  que  dit  Ezechias:  Le  vivant,  le  vivant  te  confessera,  voire  le  pere  declarera  a  ses  enfans  ta  verite.  Il  avoit  dit  ci  dessus  que  les  morts  n'attendront  plus  a  la  verite  de  Dieu,  c'est  a  dire,  ils  n'y  auront  nulle  esperance.  Et  en  cela  voyons-nous  ce  que  i'ay  touche,  qu'Ezechias  ne  parle  pas  indifferemment  de  tous  ceux  que  Dieu  a  retirez  de  ce  monde:  car  il  est  certain  que  les  fideles  s'attendent  a  la  verite  de  Dieu.  Quand  Iacob  disoit  en  rendant  l'esprit,  Ie  m'attendray  au  salut  du  Seigneur,  il  ne  disoit  pas  cela  pour  une  minute:  mais  il  deciaroit  et  protestoit  qu'il  avoit  ceste  certitude  imprimee  en  son  coeur,  laquelle  ne  seroit  iamais  esteinte,  tellement  que  pour  passer  par  une  centaine  de  morts,  tousiours  ce  thresor-la  luy  seroit  reserve.  Or  donc  les  saincts  et  fideles,  encores  que  Dieu  les  ait  appelez  hors  du  monde,  ne  laissent  pas  tousiours  de  nourrir  l'esperance  de  la  resurrection,  et  de  ceste  felicite  qui  lour  est  promise.  Mais  Ezechias  parle  des  trespassez  qui  sont  comme  bannis  et  alienez  du  tout  du  Royaume  de  Dieu,  et  lesquels  il  renonce.  Or  il  estoit  en  cest  estat-la  selon  son  apprehension,  iusques  a  ce  que  Dieu  l'ait  console  par  son  Prophete.  Car  le  message  qui  luy  fut  envoye  estoit  qour  monstrer  que  Dieu  luy  estoit  contraire,  et  qu'il  venoit  comme  sa  partie  adverse  a  main  armee  a  l'encontre  de  luy.  Il  faloit  donc