32:572  quand  nous  sommes  malades,  qu'il  nous  retire  de  quelque  danger:  ou  nous  luy  pouvons  faire  quelques  autres  oraisons  particulieres.  En  toutes  ces  requestes  il  faut  venir  puiser  de  la  source,  c'est  ascavoir,  qu'il  nous  donne  cela  par  sa  bonte,  et  que  nous  cognoissions  pourquoy  Dieu  nous  fait  tant  de  biens,  tant  pour  la  vie  presente,  que  pour  le  salut  de  nos  ames:  c'est  ascavoir  pource  qu'il  a  pitie  de  nous,  qu'il  nous  voit  miserables,  qu'il  voit  que  nous  sommes  povres  creatures,  sinon  qu'il  s'encline  a  nous  faire  misericorde.  Brief,  devant  qu'entrer  en  toutes  les  oraisons  particulieres  que  nous  faisons  a  Dieu,  que  nous  commencions  par  ce  bout,  et  que  ce  soit  le  fondement  sur  lequel  nous  bastissions,  Que  Dieu  ait  pitie  de  nous.  Or  d'autant  qu'il  nous  faut  estre  asseurez  en  nos  oraisons,  David  adiouste  ce  qu'il  avoit  ia  dit  au  paravant:  c'est  ascavoir,  Selon  ta  parole:  car  si  nous  demandons  a  Dieu  ce  que  bon  nous  semble,  et  que  nous  n'ayons  point  de  promesse  de  luy  qu'il  nous  vueille  exaucer,  cela  n'est  pas  sans  presomption:  nous  devons  estre  humbles  et  modestes  en.  nos  prieres,  il  ne  faut  point  que  nous  facions  des  esgarez,  que  nous  venions  devant  Dieu  le  front  leve,  plus  hardiment  que  devant  une  creature:  mais  que  nous  y  venions  avec  telle  modestie,  que  rien  ne  nous  sorte  de  la  bouche  sinon  a  bonnes  enseignes,  ce  qui  ne  se  peut  faire,  que  ne  soyons  asseurez  que  toutes  nos  oraisons  luy  sont  agreables,  qu'il  les  advoue  et  qu'il  les  ratifie.  Et  comment  cela  se  fera-il?  quand  il  nous  aura  donne  le  mot,  que  nous  ne  suyvrons  point  nostre  cerveau  laschans  la  bride  a  nostre  sens:  mais  quand  Dieu  nous  aura  dit,  Voyla  ce  que  ie  veux  qu'on  me  demande,  venez  a  moy,  et  me  faites  telles  requestes:  o!  suyvant  telles  promesses  de  Dieu,  nous  pouvons  estre  asseurez  de  venir  a  luy  a  l'exemple  de  David  et  dire,  Seigneur,  ayes  pitie  de  moy,  selon  ta  parole.  Et  c'est  une  presomption  saincte,  que  ceste-cy,  et  que  Dieu  approuve.  Or  d'autant  plus  nos  faut-il  bien  noter  ceste  doctrine,  quand  nous  voyons  qu'elle  a  este  non  seulement  obscurcie  au  monde,  mais  aneantie  du  tout.  Comme  auiourd'huy  en  la  Papaute,  quand  on  prie  Dieu,  c'est  a  l'adventure.  Et  mesme,  c'est  l'un  des  articles  pour  lequel  les  Papistes  debatent  le  plus,  disans  qu'il  ne  faut  point  estre  certains  (en  priant  Dieu)  qu'il  nous  exauce:  mais  demeurer  la  en  suspend.  Voire,  mais  l'Escriture  nous  dit,  qu'il  ne  faut  point  que  l'homme  qui  est  ainsi  flottant,  comme  les  vagues  qui  sont  agitees  de  vent  et  de  tourbillon,  puisse  rie,n  obtenir.  Elle  nous  monstre,  que  quand  nous  venons  a  Dieu,  il  y  faut  venir  avec  foy,  fiance,  et  hardiesse.  Et  ainsi  donc  (comme  i'ay  desia  touche)  c'est  une  presomption  saincte  et  louable,  quand  nous  serons  appuyez  sur  la  parole  de  Dieu,  pour  le  sommer  qu'il  accomplisse  ce  qu'il