7:571  571  INTERIM.  572  omnes  quasi  machinas  ad  exstinguendam  salutem  hominis  admovent,  eiusque  animum  terroribus  incredibilibus  frangere,  et  in  desperationem  impellere  conantur.  Unctionem  quidem  hanc  sacram,  solis  infirmis  adhibendam  Iacobus  apostolus  insinuat,  quod  reliqui  etiam  apostoli  servaverunt:  non  tamen  in  omnibus,  sed  periculosis  modo  infirmitatibus,  et  ubi  vitae  huius  inter  itustimetur,  exercenda  est  mystica  illa  unctio.  De  sacramento  ordinis.  Quod  autem  ad  ministeria  ecclesiae  attinet,  quanto  haec  maiora  sunt,  tanto  magis  dono  Dei  ac  gratia  egent.  Quanquam  enim  Christiani  omnes  sunt  sacerdotes,  quatenus  spirituales  hostias  Deo  offerre,  et  nomen  item  eius  in  omni  loco  utiliter  invocare  possunt:  non  omnes  tamen  sunt  ecclesiae  ministri,  sed  iam  inde  ab  ortu  ecclesiae  segregati  sunt  quidam  in  ministerium  ecclesiae,  qui  huius  muneribus  fungerentur:  et  eosdem  ita  distinxit  Deus,  ne  iidem  omnia  possent,  neve  ex  [pag.  39]  promiscua  illa  ratione  perturbatio  nasceretur.  Neque  enim  Deus  est  confusionis  autor  (1  Cor.  14,  33).  Institutum  est  igitur  sacramentum  ordinis,  cum  signo  impositionis  manuum,  et  aliis  huic  sacramento  congruentibus  ritibus,  quo  qui  consecrarentur,  ad  munera  ecclesiae  acciperent  gratiam,  qua  ad  eadem  ipsa  munera  administranda  apti,  habiles  atque  idonei  efficerentur.  Hinc  illud  apostoli  ad  Timotheum:  Noli  negligere  gratiam  quae  in  te  est,  quae  data  est  tibi  per  prophetiam  cum  impositione  manuum  presbyterii  (1  Tim.  4,  14).  Hoc  autem  ordinis  sacramentum  verbis  Christi  nititur:  Sicut  me  misit  pater,  et  ego  mitto  vos:  accipite  spiritum  sanctum:  quorum  remiseritis  peccata  remittuntur  eis  (Ioann.  20,  22  s.).  Item:  'Euntes  in  mundum  universum,  praedicate  evangelium  omni  creaturae  (Marc.  16,  15).  Item:  Euntes,  docete  omnes  gentes,  baptimntes  eas  (Matth.  28,  19).  Item:  Hoc  facite  in  meam  commemorationem  (Luc.  22,  19).  Quibus  igitur  in  perpetua  ecclesiae  successione  manus  imponunt  episcopi,  ut  ordinibus  initientur,  potestatem  muneris  sui  exsequendi  dant:  quae  sane  duplex  est,  ordinis  videlicet  et  iurisdictionis.  Sub  alteram  cadit  ministerium  verbi  divini,  administratio  sacramentorum,  et  ecclesiarum  ordinatio  ad  aedificationem:  sub  alteram  vero,  potestas  excommunicandi  et  poenitentes  absolvendi.  Ordines  autem  quos  catholica  ecclesia  agnoscit  sunt  hi  septem,  [pag.  40]  presbyterorum,  diaconorum,  subdiaconorum,  acolytorum,  lectorum,  exorcistarum,  ostiariorum,  quibus  distincta  munera,  eaque  aut  necessaria  ecclesiis,  aut  utilia,  assignari  debent:  ut  facile  appareat,  eum  de  ecclesia  christiana  male  mereri,  quicunque  ordines  hos  vel  spernit  vel  tollit.  De  sacramento  matrimonii.  Instituerat  Deus  in  paradiso  matrimonium,  quo  mas  et  foemina  ad  perpetuam  et  individuam  vitae