5:571  ACTES  DE  RATISBONNE.  a  reciter,  ou  bien  qu'on  ignore.  Et  ce  mot  legitime  engendrera  des  scrupules.  Pourtant  seroit  meilleur  de  l'oster.  D'avantage,  la  remission  des  pechez  est  donnee  par  aultres  moyens  a  ceux  qui  se  repentent,  et  croyent:  comme  par  le  ministere  publique  de  l'Evangile.  Des  satisfactions.l)  La  satisfaction  qui  a  merite  remission  de  coulpe,  et  delivrance  de  mort  eternelle,  est  a  la  verite  la  seule  mort  du  Filz  de  Dieu  Iesus  Christ,  qui  a  este  faict  pour  nous  sacrifice:  selon  ceste  sentence  de  S.  Iehan:  Voyci  l'Aigneau  de  Dieu  qui  oste  les  pechez  du  monde.  Par  cest  Aigneau,  nous  obtenons  remission  de  coulpe,  et  sommes  delivrez  de  la  mort  eternelle,  non  point  a  cause  de  noz  oeuvres,  ou  pou*  quelques  satisfactions  instituees  par  les  hommes,  ou  aucune  recompense  des  peines,  mais  les  manieres  de  faire  en  penitence,  qu'on  appelle  satisfactions  canoniques,  ont  este  anciennement  ordonnees  par  les  Evesques,  ou  pour  exemples,  ou  pour  disciplines.  Car  quand  ilz  recevoient  ceux  qui  avoyent  grievement  offense,  ilz  les  punissoyent,  partie  pour  esprouver  leur  fermete  :  a  scavoir  s'ilz  se  repentoyent  de  coeur:  partie  pour  admonester  les  aultres  par  telz  exemples  de  se  garder  plus  soingneusement  de  faillir.  Ilz  estimoyent  aussi,  qu'il  failloit  tenir  la  bride  roidde  a  aucuns.  Et  ces  cerimonies  s'observoyent  devant  l'absolution,  comme  signes  de  gens  coulpables,  et  qui  doyvent  respondre  en  cause  criminelle.  Comme  aussi  entre  les  Payens  [fol.  71]  il  y  a  eu  certains  signes  pour  les  homicides  et  aultres,  qui  estoyent  polluz  de  quelque  crime  iusque  a  ce  qu'ilz  fussent  absoubz.  Or  ces  peines  sont  creues  petit  a  petit  en  l'Eglise,  quand  Terreur  est  survenu  qu'elles  meritoyent  la  remission  des  pechez.  Et  les  successeurs  retenans  a  grand  peine  quelque  petit  umbre  de  l'observation  ancienne,  ont  deffendu  le  nom  de  satisfaction  et  ont  cherche  nouvelles  causes  pour  approuver  ceste  maniere  de  faire.  Ilz  alleguent  que  Dieu  est  iuste,  pour  faire  vengeance,  et  qu'il  ne  remet  point  les  pechez,  sinon  avec  recompense  des  peines,  et  adioustent,  que  les  peines  de  purgatoire  sont  compensees,  non  point  par  oeuvres  deues,  mais  imposees  par  le  confesseur,  et  que  telles  satisfactions  sont  vaillables,  mesme  quand  elles  se  font  par  les  iniques.  H  est  necessaire  de  reprendre  ces  erreurs,  qui  ont  este  introduictz  en  l'Eglise.  Car  il  est  necessaire,  que  la  doctrine  de  la  remission  des  pechez  gratuite  consiste  ferme  et  demeure  en  l'Eglise.  H  est  necessaire  aussi  que  cela  soit  entendu,  que  les  oeuvres  ordonnees  par  les  hommes  sans  le  comman-  1)  Lettre  D.  Voyez  ci-des  ms  page  543.