49:571  571  EPIST.  PAULI  AD  CORINTHIOS  I  572  Certum  tamen  est,  perseverandi  modum  ostendi,  ut  firma  fide  in  Deum  recumbant.  Tertio  quod  affine  est,  incitat  eos  ad  virilem  fortitudinem.  Et  quia  natura  sumus  imbecilles,  quarto  iubet  eos  confirmari,  vel  robur  colligere.  Nam  ubi  vertimus  robusti  estote,  uno  tantum  verbo  utitur  Paulus,  quod  tantundem  valet  ac  roborari.  14.  Omnia  vestra  in  caritate.  Iterum  repetit  quae  sit  omnium  operum  regula,  quibus  inter  nos  communicamus.  Vult  ergo  caritatem  esse  moderatricem:  quia  in  eo  maxime  peccabant  Corinthii,  quod  sui  quisque  rationem  habebat,  aliis  neglectis.  15.  Nostis  domum  Stephanae.  Nos  usu  quotidiano  experimur  quam  utile  sit  maximam  esse  eorum  autoritatem,  quos  Deus  ornavit  donis  excellentioribus.  Itaque  si  volumus  ecclesiae  saluti  consultum,  semper  hoc  curemus,  ut  bonis  honor  deferatur.  Plurimum  valeant  ipsorum  consilia,  illis  cedant  reliqui,  seque  eorum  prudentia  gubernari  sustineant.  Id  nunc  facit  Paulus  quum  admonet  Corinthios,  ut  domum  Stephanae  (addunt  quidam  codices  :  et  Fortunati)  revereantur.  Deus  enim  nobis  apparet,  ubi  spiritus  sui  dona  ostendit.  Ergo  nisi  velimus  Dei  videri  contemptores,  sponte  nos  subiiciamus  quibuscunque  Deus  ampliora  dona  contulit.  Quo  autem  propensiores  sint  ad  honorandam  illam  domum  l)  (nam  alterius  videtur  supposititia  esse  additio  hoc  quidem  loco),  reducit  illis  in  memoriam,  esse  primitias  Achaiae:  id  est,  Stephanae  domesticos,  primos2)  esse,  qui  amplexi  sint  evangelium.  Non  quia  semper  aliis  sit  melior,  qui  tempore  praecedit:  sed  ubi  accedit  perseverantia,  merito  honor  iis  habetur,  qui  fidei  promptitudine  viam  quodammodo  evangelio  straverunt.  Notandum  autem,  eos  tam  honorifico  titulo  dignari,  qui  sua  officia  et  opes  fidelibus  consecraverant.  Eadem  ratione  Fortunatum  et  Achaicum  paulo  post  commendat,  ut  quo  quisque  erat  melior,  eo  maiore  in  pretio  haberetur,  quo  plus  prodesse  posset.  Porro  quo  libentius  Corinthii  ad  ipsos  amandos  inclinent,  dicit  vicaria  eorum  opera  fuisse  compensatum  quod  a  tota  ipsorum  ecclesia  deerat.  19.  Gum  domestica  eorum  ecclesia.  Magnificum  elogium,  quum  uni  familiae  nomen  ecclesiae  tribuitur:  et  tamen  sic  institutas  esse  convenit  singulas  piorum  familias,  ut  totidem  sint  ecclesiolae.  Quod  autem  Erasmo  congregationis  nomen  magis  placuit,  alienum  est  a  mente  Pauli.  Noluit  enim  vulgari  nomine  designare  hominum  turbam,  sed  honorifice  de  christiana  oeconomia  loqui.  Quod  vero  salutationem  adscribit  Acylae  et  Priscillae  nomine,  confirmat  quod  superius  notavi,  Ephesi  potius  scrip-  0  illas  domos  2)  primas,  quae  amplexae