40:571  571  PRAELECTIONES  572  cite  inquirit  de  somnio,  videmus  tamen  ut  non  agat  serio:  quia  venisset  procul  dubio  in  mentem,  Ecce  tu  antehac  perspexisti  in  captivis  Iudaeis  incredibile  donum  coelestis  sapientiae:  illos  igitur  accerse  primo  loco.  Detegitur  itaque  socordia  regis,  quod  Danielem  non  accersivit,  saltem  inter  alios.  Diximus  hoc  fuisse  gubernatum  arcana  Dei  providentia,  qui  noluit  misceri  servum  suum  cum  illis  Satanae  ministris,  quorum  tota  scientia  in  praestigiis  et  erroribus  erat.  Interim  quod  ad  regem  spectat,  videmus  ut  neglexerit  Dei  donum,  et  quasi  suffocaverit  lucem  sibi  oblatam.  Nunc  autem  Daniel  trahitur  ad  mortem.  Ideo  dixi  tyrannos  hac  ratione  ut  plurimum  iniustos  esse,  et  exercere  immanem  violentiam  :  quia  non  possunt  suscipere  molestiam  et  laborem  inquirendi.  Interea  videmus  ut  suos  Deus  mirabiliter  eripiat  a  faucibus  mortis,  quemadmodum  contigit  in  Daniele.  Nam  hoc  mirum  nobis  videri  debet,  quod  pepercerit  eius  vitae  Arioch,  quum  occideret  reliquos,  qui  tamen  erant  indigenae.  Qui  factum  est  igitur,  ut  plus  humanitatis  expertus  sit  Daniel,  qui  erat  homo  extraneus,  et  captivus,  quam  ipsi  Chaldaei?  Nempe  quia  vita  eius  in  manu  et  custodia  Dei  erat,  qui  continuit  et  animum  et  manus  praefecti,  ne  statim  in  ipsum  saeviret.  Dicitur  autem,  Danielem  interrogasse  super  consilio  et  edicto.  Alii  vertunt,  prudenter  et  scite:  et  ttluy  Etah  significat  prudentiam,  sicuti  etiam  Dy  CO  Teem  metaphorice  accipitur  pro  intelligentia,  quum  gustum  significet.  Sed  postea  videbimus  Teem  accipi  pro  edicto:  et  quia  videtur  sensus  hic  melius  quadrare,  ideo  eum  amplector,  quod  scilicet  Daniel  sciscitatus  fuerit  ex  praefecto  quodnam  esset  istud  edictum,  et  consilium  regis.  Vocatur  etiam  Arioch  praefectus  satellitum.  Alii  vertunt  carnificum  :  alii  autein  coquorum.  Nam  Tabah  retu  significat  mactare:  sed  nomen  inde  deductum  significat  coquum.  Sic  vocatur  Puthiphar,  cui  venditus  fuit  Ioseph,  39.  cap.  Geneseos.  Videtur  mihi  esse  aliqua  absurditas,  si  dicamus  hunc  fuisse  praefectum  carnificum.  Si  dicamus  ipsum  fuisse  praefectum  coquorum,  etiam  vix  quadraret  eius  officio,  mitti  ad  occidendos  Chaldaeos.  Ego  igitur  mitius  interpretari  malo,  quod  fuerit  praefectus  satellitum.  Nam,  ut  dixi,  vocatur  Putiphar  Q^rQiu  21  rab  Tabbahim,  et  hic  tantum  mutatur  pronuntiatio.  Sequitur,  Danielem  etiam  dixisse.  Ad  quid  festinat  edictum  a  conspectu  Begis?  Videtur  his  verbis  Daniel  oblique  perstringere  regis  iracundiam,  et  simul  ingratitudinem:  iracundiam,  quod  non  satis  diligenter  inquisierit  antequam  prosiliret  ad  crudele  illud  supplicium:  deinde  videtur  ingratitudinem  notare,  quod  immerito  nunc  trahatur  ad  mortem,  qui  accitus  non  fuit,  quum  tamen  rex  posset  cognoscere  quid  esset  in  ipso.  Quum  ergo  festinationem  nominat,  non  dubito  quin  expostulet