35:571  571  QUATRIEME  SERMON  572  fices  que  Dieu  nous  eslargit,  et  que  sa  louange  soit  ensevelie  par  nous.  Voyla  pour  un  item.  Et  au  reste,  que  nous  soyons  tousiours  prests,  suyvans  l'exemple  de  S.  Paul,  a  glorifier  Dieu,  soit  par  vie,  soit  par  mort.  Si  quelque  fois  nous  sommes  en  trouble  comme  a  este  le  bon  Roy  Ezechias,  cognoissons  que  tous  nos  regrets,  nos  complaintes  et  gemissemens  nous  doyvent  estre  suspects,  pource  que  nous  n'y  pouvons  tenir  mesure,  a  cause  de  la  fragilite  qui  est  en  nous.  Ainsi,  que  ce  qui  est  yci  dit,  Les  morts  ne  loueront  point  Dieu,  ne  soit  point  par  nous  tire  en  consequence,  afin  de  plaider,  quand  il  luy  plaira  de  nous  appeler  a  soy  :  que  nous  ne  facions  point  ceste  excuse  sous  le  titre  d'Ezechias  ou  de  David  qui  a  ainsi  parle  au  Pseaume  sixieme,  ou  de  tout  le  peuple,  comme  nous  venons  d'alleguer.  Car  il  y  a  eu  de  l'exces:  pource  que  tant  David  qu'Ezechias,  et  en  general  toute  l'Eglise,  alors  qu'il  y  avoit  une  dissipation  horrible,  ont  este  tentez,  comme  si  Dieu  les  vouloit  reietter,  et  qu'il  les  desavouast,  et  qu'ils  n'eussent  plus  d'accointance  avec  luy.  Selon  donc  qu'ils  s'estoyent  ainsi  retirez  de  Dieu,  ils  sont  confus,  et  ne  s'en  faut  point  esbahir.  Et  pourtant  ne  tirons  point  une  regle  de  la,  comme  si  nous  pouvions  faire  le  semblable,  mais  que  ce  soit  pour  nous  faire  cognoistre  nostre  infirmite.  Et  au  reste,  combien  que  Dieu  nous  supporte,  ne  nous  plaisons  point  en  un  tel  vice.  Voyla  donc  ce  que  nous  avons  a  retenir.  Or  cependant  si  sommes  nous  admonnestez,  d'autant  que  Dieu  nous  fait  sentir  ses  graces,  que  nous  avons  par  cela  les  coeurs  eslargis,  et  les  bouches  ouvertes  pour  "benir  son  Nom.  Et  au  contraire  que  nous  ne  pourrons  pas  prononcer  un  seul  mot  a  sa  louange,  qui  procede  de  bonne  affection  et  liberale,  sinon  que  nous  ayons  cela  persuade,  que  Dieu  nous  est  propice:  et  que  nous  facions  nostre  profit  des  biens  que  nous  recevons  de  sa  main.  Quant  au  premier  poinct,  qu'un  chacun  apprene  a  8'inciter,  selon  qu'il  fera  un  recueil  des  graces  de  Dieu,  car  le  nombre  en  est  infini.  Il  n'y  a  celuy  de  nous,  quand  il  pensera  deuement  a  soy,  qui  ne  doyve  estre  ravi  :  comme  il  est  dit  au  Pseaume  quarantieme,  que  si  nous  voulons  nombrer  les  tesmoignages  que  Dieu  nous  donne  du  soin  paternel  qu'il  ha  de  nous,  et  de  sa  misericorde,  qu'il  y  en  a  plus  que  de  cheveux  en  nostre  teste,  et  que  nous  sommes  la  comme  esbahis.  Mais  toutes  fois  selon  que  Dieu  desploye  les  richesses  de  sa  bonte  envers  chacun  de  nous,  que  nous  soyons  tant  plus  esmeus  a  benir  son  Nom,  et  que  chacun  s'exerce  et  solicite  a  cela.  Voyla  en  somme  ce  que  nous  avons  a  observer  sur  ce  passage.  Or  d'autre  coste  cognoissons  que  nostre  vie  est  maudite,  si  nous  gourmandons  les  biens  que  Dieu  nous  donne,  et  cependant  qu'en  cela  nous  ne  con-