32:571  571  HUITIEME  SERMON  572  mais  qu'il  faut  venir  a  ceste  conclusion  qui  est  yci  monstree,  de  garder  les  paroles  de  Dieu:  et  alors  nous  n'aurons  point  occasion  de  porter  envie  a  ces  povres  fols  mondains  qui  voltigent  en  l'air,  qui  se  laissent  mener  a  leurs  appetits  frivoles.  Nous  serons  asseurez  d'avoir  choisi  un  bon  partage,  quand  nous  serons  ainsi  unis  a  Dieu,  par  le  lien  de  sa  parole.  Or,  comme  desia  nous  avons  touche,  le  second  verset  contient  une  requeste  que  David  dit  avoir  faite  tous  les  iours,  Tay  supplie  ta  face  iournellement,  Seigneur  Dieu,  ayes  pitie  de  moy  selon  ta  parole.  Or  en  disant,  qu'il  a  prie  Dieu  tous  les  iours:  en  cela  il  nous  monstre  quelle  est  la  facon  de  bien  prier,  c'est  que  nous  ayons  une  constance  a  poursuyvre  sans  nous  lasser.  Non  pas  que  Dieu  ait  besoin  qu'on  le  solicite,  ny  importune,  mais  c'est  pour  exercer  nostre  foy,  et  pour  esprouver  tant  mieux  si  c'est  en  luy  que  nous  cerchons  tout  nostre  bien.  Tant  y  a,  que  l'Escriture  saincte  sur  tout  requiert  cela  en  nos  oraisons,  qu'il  y  ait  une  constance,  que  nous  ne  prions  point  Dieu  auiourd'huy,  et  que  demain  il  ne  nous  en  souvienne  plus,  mais  continuyons,  si  nous  voulons  estre  exaucez.  Et  voyla  en  quoy  nous  monstrons  que  nous  avons  espere  en  Dieu,  c'est,  qu'encores  qu'il  semble  qu'il  ait  les  aureilles  sourdes,  que  nous  ne  laissons  point  d'aller  tousiours  a  luy,  et  de  le  requerir  autant  la  centieme  fois  que  la  premiere:  scachans  que  ce  n'est  point  un  labeur  superflu  quand  nous  aurons  ainsi  prie.  Voyla  quant  a  ceste  perseverance  de  laquelle  David  parle  yci.  Or  voyons  quelle  est  la  substance  de  son  oraison,  Seigneur,  dit-il,  ayes  pitie  de  moy  selon  ta  parole.  La  requeste  est  generale:  mais  David  monstre  quelle  est  la  source  de  tous  les  biens  que  nous  pouvons  demander  a  Dieu,  et  lesquels  aussi  il  nous  eslargit  tant  pour  l'ame  que  pour  le  corps:  c'est  ascavoir,  qu'il  nous  soit  pitoyable.  Oar  Dieu  ne  nous  doit  rien,  et  nous  ne  luy  pouvons  aussi  rien  apporter  de  nostre  part,  pour  dire  que  nous  le  provoquions  a  nous  bien-faire:  mais  le  tout  est,  qu'il  use  envers  nous  de  sa  bonte  gratuite.  Or  donc  notons  que  David  a  voulu  declarer,  quand  Dieu  estend  sa  main  pour  nous  eslargir  tant  de  biens  que  nous  recevons  de  luy,  que  cela  procede  de  sa  pure  bonte.  Voyla  pourquoy  il  dit,  Seigneur,  ayes  pitie  de  moy.  Pourtant,  quelque  chose  que  nons  requerions  a  Dieu,  il  faut  que  nous  venions  la  tousiours,  d'avoir  fiance  en  sa  bonte.  Comme  quoy?  Nous  demandons  que  Dieu  nous  pardonne  nos  fautes:  nous  luy  demandons  qu'il  nous  assiste  par  son  sainct  Esprit,  a  ce  que  nous  ne  soyons  vaincus  de  tentations:  nous  luy  demandons  qu'il  nous  donne  une  grace  de  laquelle  nous  sommes  desnuez:  nous  luy  demandons  aussi  qu'il  nous  nourrisse,  q'uil,  nous  donne  sante