6:570  Elezarius  et  une  femme  Iuifve  avec  sept  petis  enfans  qu'elle  avoit*)  (2  Macc.  6,18  ss.  ;  7,1  ss.).  Comme  ainsi  soit  qu'on2)  les  voulsist  contraindre  a  manger  de  la  chair  de  pourceau,  ilz  aymerent  mieux  mourir  que  d'y  consentir.  Il  sembleroit  de  premiere  face,  que  ce  auroit  este  plustost  une  opiniastrete  d'endurer  la  mort  pour  si  petite  cause,  qu'un  zele  bien  reigle.  Mais  si  nous  regardons  ou  cela  tendoit:  ilz  ne  pouvoyent  autrement  faire  sans  renoncer  Dieu.  Car  en  les  pressant  de  manger  de  la  chair  de  pourceau,  que  Dieu  leur  avoit  defendue:  on  demandoit  un  tesmoignage  d'eux,  qu'ilz  estoyent  contens  de  condescendre  a  la  facon  de  vivre  des  Payens.3)  Ceste  histoire  n'est  pas  de  la  saincte  Escriture,  mais  c'est  un  faict  qui  est  advenu  a  la  verite:  et  non  pas  fable.  Si  nous  honnorons  ces  personnages  comme  martyrs,  et  louons  leur  constance:  ne  nous  convient-il  pas  condamner  ce  qui  se  fait  au  contraire?  [page  76]  Pour  mettre  fin  a  cest  article,  ie  dis  que  tous  ceux  qui  reputent  pour  faute  legiere  une  telle  feinctise,  de  faire  semblant  d'accorder  avec  les  idolatres,  ne  savent  point  en  quelle  recommandation  Dieu  a  son  honneur:  et  ne  ont  iamais  gouste  ceste  sentence  qu'il  dit  par  son  Prophete  Esaie:  Ie  suis  vivant:  ie  ne  donneray  pas  ma  gloire  a  nul  autre:  ne  mon  honneur  aux  images  (Es.  42,  8;  48,  11).  Car  par  cela  il  nous  monstre,  qu'il  ne  permettra  iamais,  que  son  honneur  soit  transfere  a,  un  idole,  qu'il  ne  en4)  face  quant  et  quant  la  vengeance.  Ie  dis  aussi  que  iamais  ilz  n'ont  conceu  la  grace5)  que  Dieu  nous  a  faict  en  ordonnant  que  noz  corps  soyent  temples  de  son  sainct  Esprit,  apres  les  avoir  rachepte  par  le  precieux  sang  de  son  Filz  nostre  Seigneur,  et  en  leur  permettant  gloire  et  immortalite  en  son  Royaume.  Car  s'ilz  entendoyent  cela,  ilz  feroyent  ceste  conclusion  avec  sainct  Paul,  qu'il  nous  convient  purger  de  toute  souilleure,  tant  de  [page  77]  corps  que  d'esprit:  et  porter  Dieu  tant  en  l'un  comme  en  l'autre:  veu  que  tous  les  deux  sont  siens  (1  Cor.  6,  20).  Or  apres  que  toutes  ces  tergiversation^  sont  abbatues,  ma  dame  la  prudence  charnelle  s'ingere  pour  iouer  son  roule,  et  produit  une  raison  fort  peremptoire.6)  Que  adviendroit  il  si  chascun  se  vouloit  declairer  pour  servir  a  Dieu  purement?  Ie  respons  en  un  mot:  que  s'il  plaisoit  a  Dieu,  il  s'en  pourroit  ensuyvre  beaucoup7)  de  persecutions:  et  1)  avec  ses  sept  petis  enfans  qu'elle  avoit  1551.  1566;  avec  ses  sept  fils  l  o  t  i  ;  septemque  eius  filiis.  2)  impii  urgebant  eos  .  .  .  .  tantum  ut  gustare  vellent.  3)  testimonium  flagitabant  defectionis  a  Deo  et  eius  lege.  4)  huius  tanti  sacrilegii.  5)  quam  singularis  sit  gratia.  6)  haec  autem  prima  est  eius  ratio.  7)  saevas.