5:570  ceste  doctrine  soit  congneue  en  l'Eglise  :  que  de  reciter  les  pechez,  ce  n'est  pas  chose  commandee  de  droict  divin,  ny  necessaire,  [fol.  69]  et  que  sans  cela  les  pechez  sont  remis  a  ceux  qui  se  repentent,  et  se  consolent  par  foy.  Comme  Prosper  le  tesmoigne  disant:  Ceux  desquelz  les  faultes  sont  cachees  et  occultes  aux  hommes,  entant  qu'ilz  ne  les  ont  point  confessees,  et  n'ont  este  publiees  par  aultres,  s'ilz  ne  les  veulent  confesser  ou  amender,  ilz  auront  Dieu  iuge  et  vengeur,  lequel  en  est  maintenant  tesmoing.  Au  contraire,  s'ilz  en  font  euxmesmes  le  iugement,  et  en  font  la  punition  voluntaire  en  se  chastiant  de  telle  severite  qu'il  appartient,  par  peines  temporelles,  ilz  eschapperont  les  tourmente  eternelz,  et  esteindront  la  flambe  du  feu  perpetuel,  par  leurs  larmes,  quand  elles  descoulleront  de  vraye  contriction  de  coeur.  Ce  sont  les  parolles  de  Prosper.  Et  de  faict  ce  seroit  mettre  les  consciences  en  des  doubtes  fort  perilleuses,  de  leur  faire  a  croire,  que  le  recit  de  tous  les  pechez  fust  necessaire.  Toutesfoys  pource  que  plusieurs  ont  affaire  de  conseil  a  cause  des  cas  obscurs  et  difficiles,  qui  leur  surviennent:  il  est  bon  d'exhorter  les  hommes,  de  declairer  leurs  maladies  a,  ce  qu'on  les  puisse  ayder  de  conseil,  et  les  inciter  a  penitence  et  admonester  de  beaucoup  de  choses.  Car  un  Pasteur  prudent  et  discret,  civil  en  tel  divis  et  colloque,  peult  mieux  instituer  celuy  qui  se  confesse,  quand  il  apperceoit  de  quelz  erreurs  ou  de  quelz  vices  il  est  entache.  Il  y  a  d'avantage,  que  quand  nous  pensons  a  reciter  noz  pechez,  cela  nous*  met  devant  les  yeulx  la  turpitude  d'iceux,  et  nous  admoneste  de  l'ire  de  Dieu.  Einablement,  ceste  discipline  est  utile  aux  rudes  et  ignorans,  pource  qu'en  ce  faisant,  ilz  apprennent  de  bien  iuger  et  discerner  les  pechez.  Mais  que  nous  retennions  ceste  doctrine,  que  c'est  par  foy  que  nous  obtenons  remission:  et  non  pas  pour  nostre  recit  ne  confession.  Il  est  aussi  mestier  de  notter,  qu'il  appartient  a  l'office  du  Pasteur,  d'ouyr  son  peuple  en  certains  temps  et  interroguer  un  chascun  de  sa  foy.  Car  chascun  doit  rendre  tesmoignage  d'icelle.  En  cela  faisant  que  le  Pasteur  enseigne  les  rudes,  les  exhortant  a  bien  vivre  selon  que  l'eage  le  portera.  Mais  on  ne  peult  imposer  [fol.  70]  necessite  de  reciter  les  faultes  occultes.  Et  pour  soubstenir  une  charge  tant  difficile,  il  seroit  besoing  d'avoir  des  Ministres  propres,  craignans  Dieu,  prudens  et  graves.  Du  troisiesme  article^  ou  il  est  dict,  que  les  hommes  sont  absoulz  des  faultes,  dont  ilz  auront  faict  confession  legitime.  Il  est  necessaire  d'adiouster  ceste  explication,  qu'on  est  aussi  absoulz  des  pechez,  qu'on  auroit  omiz